AZOH: İyunun 21-nə keçən gecə Rusiya paytaxtı Moskvadan ölkənin Kareliya Respublikasına uçan “Rus Air” aviasiya şirkətinə məxsus Tu-134 sərnişin təyyarəsi qəzaya uğrayıb.

“Media forum” saytı xəbər verir ki, təyyarədə olan 52 sərnişin və heyət üzvündən 44-ü həlak olub. Sağ qalan 8 nəfərdən bir uşağın vəziyyəti ağırdır. Yaralılar Kareliya Respublikasının paytaxtı Petrozavodskda xəstəxanalara yerləşdirilib.

Ölənlər arasında FİFA hakimləri və kareliyalı məşhur futbol hakimi Vladimir Pettay da var.

İlkin məlumata görə, qəzaya texniki nasazlıq səbəb olub.

MUSAVAT