AZOH: Türkiyə Böyük Millət Məclisindəki andiçmə böhranı sona çatıb.

Cümhuriyyət Xalq Partiyasından olan millətvəkilləri bu gün iqtidar partiyası ilə razılaşmadan sonra parlamentə gedərək and içiblər.

Prezident Abdulla Gül "dialoq qapıları açıq olunca, qarşılıqlı danışılınca hər şey həll olur" deyib.

CXP deputatlarının and içməsindən məmnun olduğunu söyləyən Gül Barış və Demokratiya Partiyasını da eyni addımı atmağa çağırıb.

Baş nazir Rəcəb Tayyib Ərdoğan da ilk dəyərləndirməsində "xeyirli və gözəl oldu, gözləntimiz də bu istiqamətdəydi" deyib.

Ərdoğan da BDP-yə çağırış edib: "Onların yeri buradır. İnanıram ki ən qısa zamanda gəlib and içəcəklər".

CXP lideri Kamal Kılıçdaroğlu böhranın həll olunmasını "milli iradəyə hörmətimizdən doğan addımı atdıq" deyib. MHP lideri Dövlət Baxçalı da CXP-nin and içməsinin xeyirli başlanğıc olaraq görülməsinin vacibliyini vurğulayıb.

TRT