میللی بیرلیگه دوغرو آچدیقیمیز اویلاما سونوجو
بیلدیگینیز کیمی سون گؤن لرده بیرلشمه هایکیریسی ، گؤنئی آزربایجان میللی
حرکتینده بیر چوخ دیرلی ضیالی و میللی تشکیلاتلار طرفیندن منطقه نین
کیریتیک زامانیندا اولدوقو آندا سسلنمیشدیر .
میللی فعالار و تشکیلاتلار طرفیندن گلن میللی بیرلیک آدیندا میللی
بیرلشیک بیر جبهه اولوشماسی سیگنالی ، تبی کی چوخ سدویندیریجی بیر
اولایدیر .
بونا اساسن گؤنئی آزربایجان میللی مستقیل فعاللاری طیفی ، مسئله نی
دمکراتیک دیرلر اساسیله اؤزلیکله میللی فعاللار و تشکیلاتلارین دؤشؤنجه
سی نی آلماق اؤزره بیر اویلاما ( نظرسنجی ) یاپاراق گؤنده مه گتیرمیشدیر
.
بیز بو مسئله نی موستقیل طیف فیسبوک صحیفه سینده تام آچیق شکیلده
بیلدیردیک . سونوج اولاراق مسئله بیر نئچه دیرلی فعالار طرفیندن آلینیب و
اولوملو آچیقلامالار گلمیشدیر . بونونلا بئله بعضی دیرلی میللی فعالار
طرفیندن ایمیل باکسیمیزا سئویندیرجی مکتوبلار گؤندریلمیشدیر .
آنجاق بؤتؤن فیکیرلری دیرلندیردیکدن سونرا مجبورن گرکیر نتیجه نی
آلداتیجی یوروملارلا یوخ ، ان آزی اؤزومؤزو آلداتمادان چوخ آچیق و نئت
بؤتؤن اینسانلاریمیزلا پایلاشاق .
بیز بو مسئله نی تانیدیغیمیز بیر نچه میللی سیته لرله پایلاشمیش و
اونلاردان ایسته گیمیز بو اولموشدور کی کئچمیش ایختیلافلاری بیر آرایا
بوراخاراق بو اؤنملی مسئله ده دویارلیقلی اولسونلار .
نه یازیق کی بو مسئله بیر نئچه میللی قوروم سیته لری طرفیندن باشقا
تاسفله بیریلری طرفیندن آلینمادی . حقیقتلری میلتیمیزله آچیقلامادان
بیرلیگه دوغرو آتیلان سلوقانلار / شعارلار ، تبی کی ایناندیریجی
اولمایاجاقدیر .
آنجاق سونوجدا بونو دئمه لییک کی گؤرؤشن تابلو گؤستریر کی ان آزی بیرلیگه
دوغرو قرارلی اولان میللی فعالارین بیر چوخو موستقیل دؤشؤنجه لی
دوسلاردیر و بو مسئله بیزیم اؤچؤن چوخ سئویندیریجی دیر .
سونوندا آرتیرمالییق کی بیزم بو اویلامادان هدفیمیز موستقیل طیفین میللی
جبهه یاراتماق و بئله بعضن عدالتسیز یوروملایان قوروملارین طرفیندن گلن
تخریبلر اساسیله یوخ بلکه حقیقتن میللی حرکتیمیزده دورومو اویلاما و
میللی بیرلیگه نه قدر حاضیر اولدوقوموزو بیلدیرمکدیر .
اینشالله اینانیریق کی گلجگی ایی دؤشؤنن هر بیر میللی فعال ایستر موستقیل
ایستر تشکیلاتی دوسلاریمیز گئده رک بیرلیگین نه قدر اؤنملی اولدوقونو
دؤشؤنه جک دیرلر .
موستقیل طیف هر زامان حاضیردیر کی ایسته نیلن حالدا هر بیر میللی قوروملا
دانیشقا گیرسین نیه کی بیزیم بو گؤنه دک هر بیر قوروما سرت ائله شدیریمیز
اولسادا آنجاق سونوجدا هدفیمیز بیرلیکدیر و حرکتیمیزده موستقیل اولاراق
هئچ بیر میللی قوروملا دؤشمانچیلیقیمیزیوخدور .
« گؤنئی آزربایجان میللی موستقیل فعاللاری طیفی »
سه شنبه 27 تیرماه1391
لینک صفحه فیسبوک :
