هر گئچه ن گون ایران آدلانان یئرده سیاسی ، ایقتیصادی و توپلومسال(ایجتماعی) بوحران شیدتله نیر. قویولان ایقتیصادی قدغن لر ( آمبارقولار) توپلومدا اوز تاثیرینی گوسترمکده دیر. حیات شرطلری دوزولمییه جک بیر حالا گلمیش ، گونده لیک ییله جک محصوللار تاپیلمیر ، تاپیلیرسادا سیراوی(معمولی) وطنداشلار ساتین آلما ایقتیداریندا دئییلدیرلر.

۳۴ ایل قاباق اوزگه لر طرفینده ن حاکمییته گتیریله ن بو رئژیم ان آغیر بوحرانی گونلرینی یاشاماقدادیر. ائشیکده ن گه لن باسقیلار( فشارلار) لا یاناشی ( برابر) ایچه ریده ن گه لن باسقیلار رئژیمی آغیر بیر وضعیته سالاراق، رئژیمی جین آتینا میندیرمیشدیر. بونا گوره ده آتالار دئمیشکن، ائشه یه گوجو چاتمادیغیندان پالانی تاپداماغا چالیشیر. قارشی دان گه لن پاتلاییشین حنیرتیسینی دویوب ، حیس ائتمکده دیر. بو سببده ن توپلومدا باسقینی(فشاری) آرتیرماقدا ، بودا ناراضیلیغی ده رینلشدیرمکده دیر. هر بیر کیچک بیر سه سی ائشیتمه یه ، هر بیر بالاجا اعتیراضی تحمول ائتمه یه قادیر دئییلدیر. فعلی کی حالدا، رئژیم اوز کولگه سینده ن بئله قورخور. حتا رئژیم منسوبلاری آراسیندادا اولان چرکیشمه لرده، رئژیمین داخلی بوحرانین گوسترگه لریدیرلر.

البته رئزیمین اهالی یه اولان باسقیلاری بلوچ، عرب ، کورد ، تورکمن و آذربایجان منطقه لرینده داهادا آغیردیر. بو میللتلر گونده لیک آغیر حیات شرطیلری نین یانیندا، میللی محرومییت، مستعمره چیلیک و ایرقیچیلیق ( نژاد پرست لیک) سیاستین باسقیلاریلادا اوز ـ اوزه دیرلر. رئژیم بو منطقه لرده عادی بیر ایسته یی بئله ائشیتمک ایسته میر. . اوغرو پیشییک کیمیدیر، هر تاقیلتیدان قورخور. بلوچ ، عرب و تورکمن میللتلرینه قارشی نیظامی باسقیلارلا یاناشی ، اعدام و شیکنجه لر رئژیمین گونده لیک ایشلرینده ن اولموشدور. آذربایجان و کورد منطقه لرینده توتدوغو سیاست هامان ماهییتی داشی سادا ، گیزیلین سیاسی اولدورمه لره ال آتسا دا ، ایندیلیک مستقیم قارشی دورماماغا چالیشیر. بو میللتلرین سیاسی تشکیلاتلاری نین ایچینه گیره ره ک ، اونلارین میللی ایستکلری اولان ایستیقلال و میللی حاکمییت کیمی مسئله لرده ن جایدیرماغا چالیشیر. اونلارین فیکیرلرینی فرعی مسئله لره یونه تمه یه( سوق وئرمه یه ) ، اصیل موباریزه یولوندان آزدیرماغا جهد ائدیر. میثال اوچون کورد ـ آربایجان پروبلمی، دیل مسئله سی ، اورومییه گولو کیمی مسئله لر قاباردیلیر، شیشیردیلیر. گونده لییه چیخاریلیر. بیر صوره تده کی، بو پروبلملر و مسئله لر میللی قورتولوش ساواشی نین ، میللی موباریزه نین سونوندا اوزلویونده ن حل اولاجاق مسئله لردیر. باشقا سوزله دئسک میللی حرکتین ماهییتینده یاتیر. بونلار ین چوزومو آنا وطنیمیز آذربایجانین آزادلیق و مستقیللی یی ایچینده حل اوجاق مسئله لر ساییلیرلار.

البته بیر آرالار مستملکه چی رئژیمه تومار یازدیرانلار ، ایمامزادادان موعجوزه گوزله ینلر ، گورونورکی ، هله ده مستعمره ده اولدوقلاری نین فرقینده اولماییب ، بوگونده سوزو گئده ن مسئله لرین چوزومونو( حلینی) تئهراندا آختاریرلار. طبیعی دیرکی، بئله حرکتلر غئیر مستقیم شکیلده رئژیم طرفینده ن حمایت ائدیله بیله ر. یاخود بیلمه ده ن بعضیلری اونلارین سیاستلرینین اویونچوسو اولا بیلیرلر

رئژیمین اویقولادیغی ( ایجرا ائتدییی) اویونلاردان بیریده هده ـ قورخو گلمک ، آردی سیرا ، میللی فعاللاری توتوب ، سوزده موحاکیمه ائدیب ، دوسداغا سالیب ، قورخو ـ قدغه گه لیب بوراخماسیدیر. رئژیم بو حرکتلری ایله ایکی مقصد گودور. بیرینجیسی ، بیز سیزین حرکتلرینیزی نظاره ت ائدیریک ، جانی نیز بیزیم الیمیزده دیر. بو شکیلده قورخو یاراتماقدیر. ایکینجی سی ایسه میللی حرکتین باشینی بونونلا قاتیب ، آنا هدفه فیکر ائله مکده ن اوزاقلاشدیرماقدیر. بونا دیقتلی اولماق لازیمدیر. رئژیمین ماهییتی هر کسه بللی دیر. بو رئژیم سورییه رئژیمینه اوخشار دیکتاتور ، جلاد بیر رئژیمدیر. بو رئژیم دار گوروشلو، فوندامنتالیست و ایرقچی( نزادپرست) اولدوغوندان اسد رئژیمنده ن قات ـ ـ قات داها جانی بیر رئژیمدیر حتا اسد رئژیمی نین اللرینی دالیدان باغلایا بیله ر. بونا گوره ده بو رئژیمده ن بیر شئی اوموب ـ کوسمک اولماز. بو سببده ن میللی حرکت بو حساس دووره ده اوز پروگراملارینی گوتور ـ قوی ائتمه لی ، قارشی دان گه لن هر ائحتمالا حاضیرلیقلی اولمالیدیر.

واحید مستقیل آذربایجان جبهه سی ، مسئله لرین باریشجیل ( صلح آمیز) حل ائدیلمه سی نین طرفداری اولان بیر تشکیلات دیر. آمما تاسوفله، میللی قورتولوش ساواشلاری، گیرده میزلر دالیسیندا ظفره اولاشمیر ، آزادلیق و مستقیللیکده، تیرمه بوخچالار آراسیندا هئچ بیر میللته هدییه ائدیلمیر. مدنی دوشونمک چوخ گوزه ل شئیدیر ، میللی قورتولوش ساواشیندا تکجه بئله دوشونمک اوتوزماق دئمکدیر. بوگون کوردلر اوز میللی بایرقلاری ایله، سورییه ده باشقالاریله بیرلیکده، سیلاح الده ساواشیرلار. حتا ایکی گون قاباق، عراق ـ سورییه سرحدینی اله کئچیریب ، اسدین قووه لرینی اورادان قووموشلار. اونلار بئله حرکت ائتمه سئیدیلر، طبیعی اولاراق ، اسد رئژیمی ایله بوگون سیلاحلی ساواشان و صاباح حاکمییتی اله آلاجاق سورییه لی قووه لر اونلارا هئچ بیر شئی باعیشلامییاجاغیدیلار .کوردلر بونو یاخشی باشا دوشوب ، یولا چیخمیشلار. بو حرکتلری ایله ، بایراقلاری ایله، وار اولدوقلارینی، دونیایا ثابیت ائدیرلر.

واحید مستقیل آذربایجان جبهه سی، بوش یئره قان توکولمه سینی ایسته میر ، میللی مفکوره یه صاحیب ، یئتیشمیش، وطن پرور اوغول و قیزلاریمیزی قوربان وئرمک نییتینده ده دئییلدیر. بو اوزو جینایتدیر. آمما بو آندا حاضیرلیقلی اولماق، چوخ لازیم و ضروریدیر. اونودمامامیز لازیمدیرکی ، بو میللی قورتولوش ساواشیدیر.یالنیز کوچه تظاهراتی دئییلدیر. هئچ بیر فارس حاکمییتی بیزه مستقیللی یی باغیشلامییاجاقدیر

واحید مستقیل آذربایجان جبهه سی ـ جارچی