AZOH: İtaliyanın baş naziri Silvio Berluskoninin başı qalmaqaldan açılmır.

18 yaşı tamam olmamış qızla pul qarşılığında cinsi əlaqəyə girməkdə ittiham olunan baş nazir dünən də məhkəmədə korrupsiya ittihamı üzrə ifadə verməli olub.

Berluskoninin vəkillərinin məhkəmədəki müdafiə çıxışı 2,5 saat davam edib.

Berluskoni isə iclasdan öncə və fasilələrdə verdiyi açıqlamalarda bu prosesi vaxt itkisi kimi dəyərləndirərək nə dəlil, nə də sənəd olmadığını bildirib.

Haqqındakı iddiaları rədd edən Berluskoni solçu media partonlarının qurduğu oyunla qarşı-qarşıya olduğunu deyib.

Baş nazir ittihamçıları da İtaliyanın güclü olmasının vacib olduğu bir zamanda həm ölkəyə, həm də ona çamur atmaqda ittiham edib.

Məhkəmə binasının qarşısında isə baş  nazirin tərəfdarları mitinq keçirib.

Qeyd edək ki, Berluskoninin şirkəti qurduğu  firmalar vasitəsilə İtaliyadakı film və televiziya haqlarını satın almaqda, vergidən yayınmada və gizli fondlar yaratmaqda ittiham edilir.

TRT