گونئی آذربایجان قورتولوش پارتیاسی‌نین آنادی‌لی تو-نین ایشه باشلاماسی ایله باغلی ساوی
آنادیلیتو تئلئکانا‌لی قوت‌لو اولسون!
سون گون‌لرده آذربایجان میللی حرکاتیندا یئنی اومود ایزلمی ساییلان “آنا دیل‌لی تو”-نین اویدو وئریلیش‌لرینه ایستارت وورولا‌جاق خبری یاییلمیش‌دیر. آوگوستون 10-دان تئلئستار12، اویدو آراجی‌لیغی ایله ایشینه باشلایا‌جاق اولان یئنی تو-نین سیاستی‌نین نه اولدوغونون اینجه‌لیک‌لری ایندیندک آچیقلانماسا دا، آز بیر زامان ایچینده اؤزونو گؤستره‌جک‌دیر. گونئی آذربایجان قورتولوش پارتیاسی، هر شئی‌دن اؤنجه بو بؤیوک میللی آرزونو یئرینه یئتیرن یئنی تو یؤنتیمینه اؤز درین میننت بورجونو دیله گتیریر، او سویداش‌لاریمیزا جانساغ‌لیغی، گئنیش گؤروش گوجو، اینهیسارچی‌لیق خستلیگین‌دن اوزاق توتوم دیلییر.
سؤزسوز کی، گونئی آذربایجان میللی قورتولوشو اوغروندا ساغلام، بیلیمسل و چتبازلیق‌دان اوزاق مئدیانین ایشه باشلاماسی سو و هاوا کیمی گرکیر. میللتیمیزین ایللر بویو بو دیلیی‌نین گرچکلشمه‌سی چوخ سئویندیریجی‌دیر.تبی کی، اسارت‌دن قورتولوشا دوغرو قالخماقدا اولان بیر توپلومون مئدیاسین‌دان تاجیر و طرف‌سیز اولماسینی گؤزلمک ابس اولدوغو کیمی،“آنادیلیتو”دن ده، بئله گؤزلنتی دوغرو اولاماز! آنجاق، آنادیلیتو-دن ان مدنی و چاغداش ایستک بئله اولابی‌لر کی، - “تو-نین اورتایا قویدوغو بوتون داورانیش‌لار دوزدور، بونون ترسینی دین‌لر ایسه، جاهیل، جاسوس، توواب، فارس عاملی، ایران نؤکری، آذربایجان دوشمنی‌دیر!!! کیمی اورتاچاغ داورانیش‌لارا یول وئرمه‌سین.
گاقپ-نین 20 ایللیک تجروبه‌سی بونو گؤستریر کی، آذربایجان میللی هراکاتی‌نین ان گرکن تمل احتیاجی، اونون بتنینده یاتان تورک‌لوگودور. آنادیلیتو-نین بو یاتمیش اؤزولو آیاغا قالدیرما جسارتی باش‌لی-باشینا اولوسال بیر آددیم‌دیر. دوغولماقدا اولان بو وارلیغین اوزون سورج‌لی اولماسینی، آذربایجان تورک میللتینه اوغور گتیرمه‌سینی اومار، “آنادی‌لی تو”،نین سسی باتمیش گونئییمیزین سؤزده دئییل گرچکده بوتؤوچو دیلی و نفه‌سی اولماسینی دیلریک.
گونئی آذربایجان قورتولوش پارتیاسی
یؤنتیم قورولو
2012-08-06
