AZOH: Yəməndə əks fikirli təhlükəsizlik qüvvələri arasında toqquşma olub.

Paytaxt Sənadakı toqquşmalarda təhlükəsizlik qüvvələrinin bir hissəsi prezident Əli Abdulla Sülehin istefasını tələb edən nümayişçilərin tərəfinə keçib.

Hərbi nəzarət nöqtəsinə hücum edən başqa bir qrup polis isə bir zabiti öldürüb, iki əsgəri isə yaralayıb.

Başqa bir olayda da polislər arasındakı atışmada 4 nəfər dünyasını dəyişib.

Ədən şəhərində də nümayişçilərlə polis arasında atışma davam edir. İndiyə qədər iki nümayişçi öldürülüb.

Minlərlə qadın nümayişçi isə Taiz şəhərində Əli Abdulla Salehə etiraz məqsədilə küçələrə çıxıb. Nümayişçilər Salehə "iqtidarı burax, get" deyə çağırış ediblər

TRT