AZOH: Suriyada yüzlərlə qadın həbsxanalardakı həyat yoldaşlarının azadlığa buraxılması tələbilə etiraz aksiyası  keçirib.

Beyda qəsəbəsində qadınlar yolları kəsərək həyat yoldaşlarının azadlığa buraxılmasını tələb ediblər.

Bölgədə çox sayda insanın Suriyanın demokratikləşməsi tələbilə keçirilən aksiyalarda iştirak etdiyi üçün həbs olunduğu bildirilir.

Suriya ordusu Banyasdakı aksiyalarda iştirak etməkdə suçladığı Beyda qəsəbəsini mühasirəyə alaraq yaşı 60-a qədər olan ən az 350 kişini həbsə atıb.

Ancaq bütün bunlara baxmayaraq Suriya iqtidarı aksiyaların qarşısını almaqda çətinlik çəkir.

Etirazlar Hələb şəhərinə də yayılıb. 500 tələbənin keçirdiyi aksiyaya polis müdaxilə edib, 4 nümayişçi həbs edilib.

TRT