AZOH: İranda 11 milli fəalın azadlıqdan məhrum edilməsi qərarı qüvvədə saxlanılıb. Təbriz İnqilab Məhkəməsinin birinci şöbəsi tərəfindən çıxarılmış hökmü Şərqi Azərbaycan vilayətinin Apellyasiya Məhkəməsi də təsdiqləyib. Mehdi Həmidi Şəfiq, Musa Bərzin Xəlifəlu, Tağı Sələhşur adlı fəallara 27 ay 1 gün, Mahmud Fəzli, Cəmşid Zarei, Mehdi (Elman) Nuri və Əhməd Riyazi Mübarəkə 2 il, Mustafa Əvəzpur, Əli Hac Əbulu (Həsən Ərk), Əzizulla (Əziz) Purvəli və Vahid Şeyxbəyliyə isə 1 il qəti, 1 il isə şərti həbs cəzası verilib. Onlar 2011-ci il avqustun 24-də Təbriz şəhərində Qumtəpə məhəlləsində Mustafa Əvəzpurun evində verdiyi iftar mərasimi zamanı Urmiya gölünün qurumasına İran hökumətinin laqeyd münasibətini müzakirə edərkən İran İnformasiya, Təhlükəsizlik və Kəşfiyyat Nazirliyinin («Ettelaat») əməkdaşları tərəfindən 29 nəfərlə birlikdə həbs edilib.

XC