سون زامانلارین بیلیمسل آراشدیرمالاری، دیلی اینسانلار آراسی بیر ایله تیشیم آراجیندان اؤته یه اینسان وارلیغی نین اؤنملی پارچالاریندان ساییر. بو یئنی باخیشلارا گؤره اینسان پیسخولوژی سی نین ساغلام جا اولوشوموندا آنادیل اؤیره نیمی نین اؤنملی اوینامی واردیر.

آنادیلی اؤیرنمک یانلیز اینسانلار آراسی ایلیشگی آراجیندان اؤته یه اینسان اولمانین سوموت گؤسترگه سی دیر. بو سوره ج اینسانلیق ائوریمینده ان اؤنملی آشامالاردان ساییلیر.

چاغداش دونیایا سونوجلانان یئنی اویقارلیق لار دیل و کولتوره دایاناراق گلیشیبلر. بو گون باتی دونیاسیندا باتی اویقارلیغی دئییلن قاورام هرنه دن اؤنجه باتی کولتورونه آرخالاناراق گلیشیب دیر. یئنیجیل بوتون قالخینمالاردا کولتور ودیلین بدل سیز یئری واردیر.

گونئی آزربایجان میللی حرکتین تاریخسل گلیشیمینده دائما دیل مسئله سی تمل ایستک لردن ساییلیب دیله وئریلدیگی اؤنم بو سؤیلمین آیریلماز پارچاسینا چئوریلیبدیر. زامان سوره جینده آنادیلده ائیتیم آلماق گونئی آزربایجان میللی حرکتین اساسی ایستک لریندن اولوبدور. بوگون مهر آیی نین بیری، ایراندا اوخوللارین آچیلیش گونودور. یئنه بو ایل کئچن ایللره تای تورک اؤیرنجی لری پان فارسیزمین سوموت گؤسترگه سی یعنی ایران اوخوللارینا گئتمک زوروندادیرلار. بوگون تورک اؤیرنجی لری اوچون آکادئمیک آسیمیلاسیونون باشلاندیغی گوندور. یئنه بوگوندن اعتبارا بیر ایل بویونجا تورک اؤیرنجی لر فارس دیلینده درس اوخوماق مجبورییتینده دیرلر. بوگون پان فارسیزمین گونئی آزربایجاندا نسنه لشدیگی گوندور.

کئچن ایللردن بری گونئی آزربایجان میللی حرکتی فعاللاری بوگونو آزربایجان اؤیرنجی لری و آزربایجان اولوسونا قارشی بیر سیتم سیمگه سی گونو اولاراق بلیرتیب بو گونده چئشیتلی یوللارلا اؤز اعتراض لارینی بیلدیریرلر.

اؤیرنجی سسی دوشرگه سی اولاراق بو حاقدا اولوسوموزلا سس بیر اولوب تورک دیلینده مدرسه شعاری نین اؤنمینی بیرداهادا وورغولایاراق بو گونو آزربایجان اولوسوایچره بیر سیویل اطاعتسیزلیک گونونه چئوریلمه سین اومود ائدیریک.

اؤیرنجی سسی دوشرگه سی

۲۷شهریور 1391