AZOH: Güney Azərbaycan Milli Hərəkatının fəalı Məsud Hüseynzadə «Ettelaat»ın Təbriz şöbəsində iki ay saxlanıldıqdan sonra zindana köçürülüb. Soydaşımız öz ailəsilə qısa telefon danışığı zamanı bu barədə məlumat verib. O, tutulduğu gündən bəri yalnız iki dəfə telefon əlaqəsi saxlamağa nail olub. Xatırladaq ki, azərbaycanlı fəal iyulun 9-da öz ata evinin qarşısında təhlükəsizlik qüvvələri tərəfindən döyülərək həbs olunub. Məsud Hüseynzadə fəaliyyətinə qadağa qoyulmuş «Arman» tələbə təşkilatının mərkəzi şurasının üzvü olub. O bundan öncə də təhlükəsizlik qüvvələri tərəfindən müxtəlif formalarda təzyiqlərə məruz qalıb.