Müxalif ruhanini dəfn etməyə qoymayıblar
AZOH: Güney Azərbaycanın Xiyav şəhərində müxalif ruhani Mirsüleyman Fəttahinin qəbiristanlıqda dəfn edilməsinə maneçilik törədilib. Dini alim vəfat etdiyi andan hökumətin müxtəlif orqanları onun dəfn mərasimi təntənəli keçməsinə maneçilik törədiblər. Məlumata görə, təzyiqlər nəticəsində müxalif ruhaninin ailəsi onu öz evinin həyətində dəfn etməyə qərar veriblər. Qeyd edək ki, Mirsüleyman Fəttahi Ərdəbilin əsas ruhanilərindən və ayətullah Şəriətmədarinin müqəllidlərindən olub. O, sentyabrın 7-də dünyasını dəyişib.