Muğanlı jurnalist həbs olunub
AZOH: Azərbaycan milli kimliyi uğrunda apardığı dinc mübarizəyə görə bir neçə həftə əvvəl tutulan muğanlı jurnalist Əli Fərdi Şəkərabın taleyi naməlumdur. Soydaşımızın konkret nədə günahlandırıldığı və harada saxlandığı bilinmir. Bəzi məlumatlara görə, Əli Fərdi Şəkərabın Azərbaycan Respublikasına casusluqda günahlandırıldığı ehtimal olunur. «Yaşıl Muğan» həftəlik jurnalının baş redaktoru tutulmazdan əvvəl həmin nəşrdə ölkə rəsmilərini tənqid edib. O, yazılarında İrandakı etnik qrupların ana dillərinin rəsmiləşdirilməsinin, o sıradan Azərbaycan əyalətlərindəki məktəblərdə təhsilin ana dilində aparılmasına şərait yaradılmasının vacib olduğunu vurğulayıb.