AZOH: Güney Azərbaycan Milli Hərəkatının fəalları Siyavuş və Arəş Məhəmmədi həbs olunub. İki qardaş 2011-ci il noyabrın 3-də «Ettelaat»ın Təbriz şöbəsinin əməkdaşları tərəfindən tutulub və 66 gün saxlanıldıqdan sonra mülk girovu qarşılığında azadlığa buraxılıblar. Nəhayət, Təbriz İnqilab Məhkəməsinin birinci şöbəsi Arəş Məhəmmədi barəsində bir il və Siyavuş Məhəmmədi barəsində üç ay həbs qərarı çıxarıb. Sentyabrın 15-də hər iki qardaş öz işləri haqqında məlumat almaq üçün Təbrizin istintaq idarəsinə müraciət ediblər. Məlumata görə, onlar istintaq idarəsinin məmurları tərəfindən tutulub və məhbusluq dövrlərini çəkmək üçün Təbriz zindanına köçürülüblər.