AZOH: Güney Azərbaycan Milli Hərəkatının fəalı, Süngün mis mədəninin eksperti Məhəmməd Abdullahian Əhər şəhərində həbs olunub. Təbriz şəhərini İran parlamentində təmsil etmiş keçmiş millət vəkili Əkbər Ələmi öz vebsəhifəsində bu barədə xəbər yayıb. Məlumatda bildirilir ki, Məhəmməd Abdullahian müxtəlif məsullarla öz yazışmalarında Süngün mədənindəki qanunsuzluqları ifşa edib: «O, zəlzələdən sonra həyat yoldaşı və iki azyaşlı övladını başqa bir şəhərdə yerləşən qayınatasının evinə aparıb və özü zəlzələ bölgəsinə yardım və xəbər çatdırmaqla məşğul olub. Məhəmməd Abdullahian təhlükəsizlik qüvvələri tərəfindən həbs olunub». Xatırladaq ki, soydaşımız Əkbər Ələmilə telefon danışığı zamanı təhlükəsizlik qüvvələri tərəfindən təhdid edildiyini bildirib.

XC