AZOH: Güney Azərbaycan Milli Hərəkatının fəalı Məhəmməd Əhədi son üç ayda ikinci dəfə Xoy İnqilab Məhkəməsinə çağrılıb. Soydaşımız 2011-ci il sentyabrın 26-da mərhum İbrahim Cəfərzadə və ailəsinin yas mərasimində iştirak etdikdən sonra həbs olunub və işi məhkəməyə göndərilib. Azərbaycanlı fəal ötən aylarda da ümumi asayişi pozmaq ittihamıyla bağlı məhkəmə qarşısına çıxarılıb. Məlumata görə, Məhəmməd Əhədi 2012-ci il yanvarın 24-də «Ettelaat» əməkdaşları tərəfindən ata evində həbs olunub. Milli fəal 50 gün «Ettelaat»ın Təbrizdəki təcridxanasında saxlanıldıqdan sonra şəhərin mərkəzi zindanına köçürülüb və həbsxanada 4 ay 6 gün qaldıqdan sonra mülk girovu qarşılığında azadlığa buraxılıb.

XC