Məsud Hüseynzadə Təbrizin mərkəzi həbsxanasına köçürülüb
AZOH: Güney Azərbaycan Milli Hərəkatının fəalı Məsud Hüseynzadə «Ettelaat»ın Təbrizdəki təcridxanasından şəhərin mərkəzi həbsxanasına köçürülüb. Soydaşımız iyulun 9-da Abbasi xiyabanında yerləşən öz ata evinə gedərkən gecə saatlarında təhlükəsizlik qüvvələri tərəfindən həbs olunub. Məsud Hüseynzadə 70 gündür «Ettelaat»ın Təbrizdəki təcridxanasında saxlanırdı. Hazırda azərbaycanlı fəal Təbrizin mərkəzi həbsxanasının karantin bölümündədir.