AZOH: Təbriz Azad Universitetində sosiologiya ixtisası üzrə təhsil alan milli fəal İrəc Müəzzinzadə ali təhsil müəssisəsindən kənarlaşdırılıb. Əvvəlcə soydaşımızın universitetin rəsmi saytındakı istifadəçi hesabı bağlanılıb. Bundan sonra İrəc Müəzzinzadə universitetin təhlükəsizlik bölümünə müraciət edib. Milli fəal məsələnin mahiyyətini öyrənmək istəyərkən ona İslami Azad Universitetinin mərkəzi ofisinin məktubu əsasında ali təhsil müəssisəsindən kənarlaşdırıldığı bildirilib. Bu səbəbdən soydaşımıza işi araşdırmaq üçün mərkəzi ofisə müraciət etməli olduğu deyilib. Hələlik İrəc Müəzzinzadənin universitetdən kənarlaşdırılmasıyla bağlı heç bir səbəb açıqlanmayıb.