AZOH: İranda Fərdin Muradpurun azadlığa buraxılması üçün imza kampaniyası aparılır. 21 yaşlı gənc fəal 3 il əvvəl İran əleyhinə təbliğat ittihamı ilə nəzarət altına alınıb.

Təbrizin İnqilab məhkəməsi tərəfindən 6 il müddətinə azadlıqdan məhrum edilən Muradpur cəzasının 2 ilini çəkib. Bu müddət ərzində ona ailəsi ilə görüş icazəsi verilməyib.  İran qanunlarına əsasən məhbuslar hər ay  bir necə gün ailə üzvləri ilə görüşmək ixtiyarına malikdir.

Fərdin Muradpurun səhhətinin ağır olduğu deyilir. Ürək və göz xəstəliklərindən iztirab çəkməsinə baxmayaraq, ona həkim müayinəsi qadağan edilib.

Azərbaycanlı fəal bir neçə gün bundan əvvəl həbsxanada işgəncələrə məruz qalıb. Fərdin Muradpurun Rzazadə adlı həbsxana işçisindən şikayəti cavabsız qalıb.

Hazırda o, aclıq aksiyası keçirir.

VOA