AZOH: Güney Azərbaycan Milli Hərəkatının fəalı Məsud Hüseynzadə əvvəlcədən məlumatlandırılmadan gözlənilmədən hakim qarşısına çıxarılıb. Təbriz İnqilab Məhkəməsində mühakimə edilən soydaşımız vəkil tutmaq hüququndan istifadə edə bilməyib. Məlumata görə, azərbaycanlı fəal bu səbəbdən prosesin qanunsuz olduğunu bildirib və özünü müdafiə etməkdən imtina edib.

Xatırladaq ki, Məsud Hüseynzadə iyulun 9-da işdən gələrkən öz evinin qapısında həbs olunub və 70 gün «Ettelaat»ın təcridxanasında saxlanıldıqdan sonra Təbrizin mərkəzi zindanına köçürülüb və bu günə qədər qeyri-müəyyən vəziyyətdə saxlanılır.