خوجا‌لی سویقیریمی بیل‌دیری‌سی ایسوئچ پارلامئنتینه تقدیم ائدیلدی
آذوح: فئورال آیی‌نین 25 ده ایسوئچ (سوئد) آذربایجان فئدئراسیونو باشقانی ستتار سئویگین خوجا‌لی سویقیریمی بیل‌دیری‌سینی ایسوئچ پارلامئنتی گئنل سئکرئتئر یاردیمجی‌سی اولف کریستوففئرسسون آ تقدیم ائتتی. کریستوففئرسسون بو بیلدیریگی ایسوئچ مجلیس باشقانی و یاردیمجی‌لارینا و خاریجی ایشلر ناظری جارل بیلدت ا بیلدیرجیینی سؤیله‌دی.
آذربایجان فئدئراسیونو باشقانی ستتار سئویگین ایسوئچ پارلامئنتی گنل سئکرئتئر یاردیمجی‌سینا خوجا‌لی سویقیریمی حاقدا گئنیش بیلگی‌لر وئردی، 26 فئورال 1992 تاریخینده آذربایجان جومهوریتی داغ‌لیق قاراباغ بؤلگسیندئکی خوجا‌لی قصبه‌سینده یاشایان آذربایجان‌لی سیویل‌لری ائرمنی‌لر طرفین‌دن توپ‌لو شکیلده سویقیریم ائدیلمه‌سینده، یاپیلان آچیقلاما‌لارا گؤره 106 سی قادین ،83 او اوشاق اولماق اوزره 613 اینسان حیاتینی ایتیرمیش‌دیر دئدی و گنل سئکرئتئر یاردیمجی‌سینا بیلگی وئردی.
علاوه ائدیلمه‌لی‌دیر کی آفی باشقانی ستتار سئویگین ایسوئچ پارلامئنتی گنل سئکرئتئر یاردیمجی‌سینا آشاغیدا قئید ائدیلن بندلری یازی‌لی شکیلده تقدیم ائتدی :
1-ایسوئچ پارلامئنتینده 26 فئورال 1992-جی ایلده ائرمنی‌لر طرفین‌دن خوجا‌لیدا تؤردیلمیش جینایت‌لری ائتنیک تمیزلمه(Genocide) کیمین قیمتلن‌دیرمک،
2- بمت-نین ائرمنیستان دؤولتی‌نین ایشغالچی‌لیغی‌نین الیهینه آلمیش اولدوغو 4 قرارین حیاتا کئچیریلمه‌سینده شرایط یاراتماق،
3- بیر میلیون آذربایجان‌لی قاچقین‌لارین اؤز یوردلارینا قایتاریلماسینا سی گؤسترمک،
4-ائرمنیستانی آزربایجانین 20% توپ‌راق‌لارینی ایشقال ائتدیگی اوچون ایشغالچی دؤولت کیمی تانیماق.
بو گؤروشده اولف جریستوففئرسسون بو بیلدیریگی گرکن دئپارتامئنت‌لره وئرجیینی تکرارلادی.
آرتیرمالیییق کی 26.02.2011 تاریخینده ایستوجکهولم اون سئرگئل (مرکزی) مئیدانیندا تورکیه و آذربایجان‌لی‌لارین قاتیلاجاغی میتینقین سبب‌لری و هدفی باره‌ده پارلامئنت گنل سئکرئتئر یاردیمجی‌سی بیلگیلندیریلدی.
آفی-آذربایجان فئدئراسیونو ایسوئچ ----- www.azfi.org
مئدیا و علاقلندیرمه بوروسو
ایسوئچ-ایستوکهولم
