English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

گونئی آذربایجان قورتولوش پارتیاسینا قارشی “آیی دوس‌لوغو” اینهیسارچی‌لارین واز گئچیریلمزی اولموش‌دور!

عزیز آذربایجان تورک میللتی!

ده یرلی آذربایجان میللی حرکاتی چالیشقان‌لاری!

سؤزسوز کی، ۱۹۹۰-جی ایلین سون‌لاریندا تبریزده آذربایجانین ان تانینمیش میللتچی کسیمی طرفین‌دن تمه‌لی آتیلان “آذربایجان قورتولوش تشکیلاتی”نین اوزانتی‌سی اولان “گونئی آذربایجان قورتولوش پارتیاسی، چاغداش آذربایجانین ان ایلکین تشکیلاتلاریندان‌ بیری‌دیر. گاقپ هر زامان اؤزگور، باغیم‌سیز و تورکچو تاویرلاری ایله گونئیین تورک دؤوتچی‌لیگی‌نین گرک‌لیگینی اورتایا آتان ایلک کسگین میللی قوروم اولموش‌دور. تاریخیمیزده ایلک اولا‌راق، “ایران آدلانان قوندارما دؤولت” آنلاییشینی مرامنامه‌سی‌نین(۱۹۹۰) اومورقاسی سایا‌راق او قوندارما دؤولتین داغیلماسینی اسیر میللت‌لرین و بؤلگه‌نین آزاد اولماسی اوچون اؤن شرطی اعلان ائدن محض گاقپ اولموش‌دور. ۲۰-ایلدن اوزون بیر زامان سورجینده فارسچی رئژیمین ان آغیر باسقی‌لاری آلتیندا یئنیش-یوخوش‌لو دیرنیشیله میللتیمیزین آیدین کسیمی طرفین‌دن منیمسنمیش و سایغی صاحبی اولموش گاقپ، هئچ بیر زامان بویوندوروق و بویوروق آلتیندا قالمامیش، ترسینه میللی قورتولوش داوامیزین ایچین‌دکی بوتون آزقین‌لیق‌لارا قارشی دیرنمیش‌دیر.

گاقپ، گرچک بیر میللی قوروم اولا‌راق یارانان باشقا قوروم‌لاریمیزی اؤزونه دوغما بیله‌رک اونلارین یولونو آچماغا اؤزن گؤسترمیش‌دیر. بو اوزدن، هئچ بیر یازی‌لی بلگه‌ده وا یا سسده گاقپ-نین میللتچی قوروم‌لارا قارشی پولئمیکه گیرمه‌سینه تانیق اولا بیلمریک. بیز، هر زامان ساغلام، آخار و دورو میللی بیر ایلیشگی‌نین جارچی‌سی اولموشوق. حتی بو دوغرولتودا، گاقپ ایمزاسییلا ایلک دفعه یاییلان “شهید زئهتابی”نین ایشکنجه اولونموش فوتولارینی چالیب اصیل ایمضانی قارالاییب اؤز آدلاری ایله یایان‌لارین اخلاق دیشی اوغرولوق‌لارینا بئله، گؤز قاپاتمیشیق. بونا بنزر باشقا اخلاق‌سیزلیق‌لار دا آز دئییل. بیز، اسکی یارا‌لاری قاشیماق ایستمریک. آنجاق، پارتیامیزین آدینی و چالیشقان‌لارینی میزیجاسینا سیرا‌دان چیخارماغا، اونون یوزده – یوز اولوسال و پانفاشیست فارسچیلیغا قارشی اولان توتومونو بویکوت ائدرک ایرانبایجانچی تورک دوشمن‌لرینه بول-بول بؤیومه فورصتی وئرن‌لره ده یان باخیم گئچمریک. آرتیق بیر چوخ‌لارینا بل‌لی اولموش‌دور کی، اینهیسارچی کسیمین علینده اولان ایمکان‌لار، آذربایجان تورک‌لوگو آدی آلتیندا ایران ایچره رئژیم قارشیت‌لی ماجرا‌لارا چکیلمکده‌دیر. ائله بو اوزدن، تورک آیدین دوشونور و ایستیقلالچی میللتچی‌لرین ده میدان‌دان اوزاقلاشدیرما گؤروی همین اینهیسارچی بئی‌لرین اوزرینه دوشموش‌دور. اونلار، گرچک تورکچو قورولوش و تانینمیش میللی اینسان‌لاریمیزا قارشی اوزده دئموکراسی، سؤز آزادلیغی، هرکه‌سه گؤره آچیلان پنجره، قارداش‌لیق سئوداسی شوعارلاری وئره‌رک، آرخادا قین‌دان سیریلمیش خنجر گؤستریرلر. اونلار، “دوستلوق” ادبیاتینا “آیی” شرطی اکلییرلر. اونلارین اورک بولاندیریجی “آیی دوست‌لوغو”نا دور دئمک گرکیر.

گونئی آذربایجان قورتولوش پارتیاسی گونئیین ان ساغلام، شرف‌لی و آیدین و اولکو ییه‌سی اولان تجروبه‌لی تشکیلاتی‌دیر. پارتیمیزین ائییتیمینه گؤره، داواداش‌لار ایچینده دوشمن آختاریشینا یول وئریلمز! آنجاق، گئری قافالیغا، جهالته، گوج ائهتیراسیندا کور اولماغا، اولوسال داوا ایچینه سول-ساغ ویروسو سیزدیرماق‌لارا گؤز یومماق اؤزو ده میللی خیانت ساییلا بیلر. گؤرونن بو کی، بئله کسیم‌لرله قاپا‌لی گؤروش‌لر، گیلئی‌لر، یوموشاق الش‌دیری‌لر ائتگی بوراخماییر. بو ایسه، گئد-گئده “آذربایجان میللی حرکاتی”ندا سوسقونلوق خسته‌لیگی یارا‌دیر.

اونلار بئله دوشونورلر کی، فیل بورنون‌دان دوشموش‌لر.

اونلار، بئله دوشونورلر کی، میللت آدینا اله گتیرن ایمکان‌لاری، اؤزگور و باغیم‌سیز میللی دوشونور و الشدیریجی‌لری سیرا‌دان چیخارماق اوچون قوللانما‌لی‌دیرلار..

اونلار، /“یا من دئدیگیم اول” و یا دوشمنسن!/ کیمی بوش دونیا گؤروش‌لریله کیمسه‌یه اؤزگورلوک حاقی تانیمیرلار.

اونلار، اؤزلرینی کؤروکلن‌دیرمکله “آذربایجان میللی حرکاتی”نا قارشی آغا‌لیق، آغابی‌لیک آرزوسو ایله یاشاییرلار.

اونلار اوچون “آذربایجاندا تورکچو” دایانیشما یوخ، تورکچولوک‌دن بوشالان جوغرافیک آذربایجان وار!

عزیز میللتیمیز!

گونئی آذربایجان قورتولوش پارتیاسی‌نین “یاییم-باسیم” اورقانی طرفین‌دن یاییلان بوتون بیلدیریش‌لر، دوست-دوشمن سایما‌دان یوزلرجه ایلگی‌لی آدرئسس‌لره گؤندریلیر. حتی بو آدرئسس‌لرین ایچینده فارسچی رئژیمین چئشیدلی اورقان‌لاری بئله واردیر. بیز، سسیمیزی، سؤزوموزو توپلولوق‌لارا ایلتمک اوچون سینیر تانیمیریق. بیزیم سؤزوموز میللتیمیزین مزلوم هاراهی‌دیر. ۲۰-دن آرتیق بیر زامان ایچینده میللت سؤزو دیشیندا سؤزوموز اولماییب‌دیر. آنجاق، قریبه‌دیر کی، چتلشمیش بعضی سیته‌لرین صحیفه‌لرینده، سس‌لرینده و گؤرونتولرینده “گونئی آذربایجان قورتولوش پارتیاسی”نین آدی “جین‌لرین بیسمیللاهینا” چئوریلمیش‌دیر! او چته چی‌لر، گاقپ-نین یازی‌لارینی، گؤرونتولرینی و بیر آنلامدا میللی فعالیتینی بویکوت ائتمکله “آذربایجان میللی حرکاتی”نین ان آزین‌دان بیر سسینی بویکوت ائدیرلر.

بو آرادا چوخ آیدین‌دیر کی، سول، ساغ، اوتانجاق فئدئرالچی، ایران تورکچولوگو، آذری وب. کیمی ایران مرکزلی قوروم-قورولوش‌لارا باغلی سیته‌لرین گاقپ-نی گؤره جک گؤزلری یوخ‌دور. اصلینده بیزیم ده اونلارلا بیر آلاجاغیمیز-وئرجییمیز یوخ‌دور.

اونلار اؤز ایرانچی یول‌لارینا، بیز ایسه، اؤز تورکچو یولوموزا!

اونلارین سولو لئنین بابا‌لاری‌نین، ساغی ایسه، شاه بابا‌لاری‌نین یولونا! بیزیم ایسه یولوموز، آذربایجان تورک میللتی‌نین اؤزگورلوک و ایستیقلال یولو!.

بیزیم اؤزوموزدن اولان بو اؤزگلشمیش‌لرله ایشیمیز و سؤزوموز یوخ‌دور! هله‌لیک!

بیزیم سؤزوموز، اؤزلرینی “آذربایجان میللی حرکاتی” ایچینده بیلیب، دیشاری‌دان حرکاتین آدی ایله بازارلیق ائدن‌لره‌دیر. بیز،“آذربایجان میللی حرکاتی” ایچینده اولان دوشمن سئویندیریجی اینهیسارچی جاهیللیته قارشیییق. بو قارشی‌لیق‌لیق تکجه، چاغداش آذربایجانین ان کؤک‌لو و دنییم‌لی تشکیلاتینا اولان درین ادب‌سیزلیک‌دن یوخ، بلکه، داها چوخ دیشاری‌دان “آذربایجان میللی حرکاتی”نا سیزان آنتی میللی ویروس‌لارین اؤنونو کسمک چاباسین‌دان قایناق‌لانیر. ائله بو اوزدن‌دیر کی، گونئی آذربایجان قورتولوش پارتیاسی و شخصاً من ائلدار قاراداغ‌لی سسسیزلیگیمیزی پوزماق گریینی دوشونوروک. بون‌دان سونراکی اینسیاتیوی اینهیسارچی‌لار دوشونسون‌لر.

ائلدار قاراداغلی

گونئی آزربایجاقن قورتولوش پارتیاسی باشقانی

۲۰۱۲/۱۱/۲۷

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter