AZOH: Güney Azərbaycanın Salmas şəhərinin əzadarları bu mərasimi Azərbaycan türkcəsində təbliğ etmək istəyib. Təbliğat üçün salmaslılar Azərbaycan türkcəsində afişa və posterlər hazırlayıb şəhərin çeşidli yerlərinə vurmaq istəyib. Ancaq onların bu xeyirxah niyyətinə Salmas bələdiyyəsi əngəl törədib. Yerli hakimiyyət qurumları türkcə belə təbliğat vasitələrinin yayılmasını yasaqlayıb. Əhli-beyt məddahlarından biri bildirib ki, bu barədə onlara rəsmi xəbərdarlıq məktubu göndərilib.

Xatırladaq ki, bu mərasimin keçirilməsilə bağlı matəm heyətləri fəaliyyət göstərilir. Əvvəllər Güney Azərbaycan şəhərlərinin əksəriyyətində təbliğat afişaları Azərbaycan türkcəsində yazılıb və yayılıb. Yeri gəlmişkən, məşhur azərbaycanlı şair Raci Kərbəla vaqesinə həsr etdiyi mərsiyyələrinin çoxunu Azərbaycan türkcəsində yazıb.