AZOH: Güney Azərbaycan Milli Hərəkatının fəalı Məhəmməd Əhədi dekabrın 2-də həbs olunub. Soydaşmız Miyana şəhərində öz ata evində «Ettelaat» əməkdaşları tərəfindən həbs olunmuş və 50 gün İran İnformasiya, Təhlükəsizlik və Kəşfiyyat Hazirliyinin təcridxanasında saxlanıldıqdan sonra Təbrizin mərkəzi həbsxanasına köçürülmüşdü. Məhəmməd Əhədi 4 ay 6 gün həbsdə qaldıqdan sonra 20 milyon tümən mülk girovu qarşılığında müvəqqəti azadlığa buraxılmışdı. Azərbaycanlı fəal bu ilin may ayında Təbriz İnqilab Məhkəməsi tərəfindən 6 ay qəti, 6 ay da şərti olmaqla bir il həbs cəzasına məhkum edilib. Məhəmməd Əhədi sistemin əleyhinə təbliğat aparmaq və ölkənin milli təhlükəsizliyini pozmağa cəhd göstərməkdə ittiham edilib.