مین اوچ یوزله ایگیرمی دؤرد باهار اولدو بتون خلقه

خوش او آذر ایگرمی بیر  کی خاطیرده  گولوستاندیر

اسر کن جنّتین عطری اولاردی باغ و بستان  خوش

اگر جننت دئسم او  ایل بو خلقه سانکی  بستاندیر

اسه ردی  شور  آزادلیق  صبا  عطری  صفای  جان

کی  سانکی اؤلکه ده باغلار سرای  لعل  مرجاندیر

هوای   شور   و    آزادلیق    آذربایجاندا    قووزاندی

خزر تک  دالغالار  جوشدو  سهندین  قلبی  ولکاندیر

بو   اؤلکه  قهرمان   یوردو  دوشوب   محنتلره   ایللر

یوز ایلدیر کی  داها خلقه  نگؤر  وحشتلی  زیندادیر

کمین اولدو  تاسفله  کی دوشمان  گؤرنه  بو خلقه

خزان اولموش  نگؤر جننت  سرای  غمله   احزاندیر

گینه  تیکرار  اولوب  تاریخ  وطن  داردا   قالیب  ایللر

کی بیرلیک اؤلکه یه مرهم  و همده  درده  درماندیر

حذر فریاد  اولار  حلقوم  کی  تکلیکده  ظفر  یوخدور

یاخین گل ائللره قارداش کی یول وحشتلی توفاندیر

سالیبدیر  اؤلکه یه  وحشت  کی گرداب  اجل  ایللر

هیولا دیر بو  استعمار کی  بو  ظولمات آخان  قاندیر

چکیب حمله اجل خلقه  کمین  اولموش  قارانلیقلار

داها یوز ایلدیر بو  اؤلکه   یانان  مظلوم   بیر  جاندیر

گئجه حایل  نگؤر گرگین  قارانلیقلار  توتوب  وحشت

هارای  یوخدور کی بیرکسدن حیاتین دالغا طغیاندیر

فلاکت حکم  اولوب خلقه نگؤر مظلوم دوشوب درده

کی  فریاد و فغان  سسلر  نگؤر حلقومدا  عصیاندیر

اؤزوندن باشقا بیر یاردیم داها یوخدورکی بیرکسدن

کی  یالنیز  آرخا   مللت دیر  سنه   ایللرله   نالاندیر

گوجون اولسا کی بیرلیکله ائده رسن خلقینه  چاره

توانسیز  حتا   دولتده   قورولسا   بیل  کی  تالاندیر

راسیسمه باغلایان بئل چون  آتار اؤ خلقینی گؤزدن

ده برسه حلقومو گئتدی دیلی تک همده نیسیاندیر

باخیرسان  تاریخا   ایللر   اولوب  اؤلکه  نگؤر   ویران

قالارسا  ظولم ائوی  بر  پا  گینه  خلقیم  پریشاندیر

اولوبدور   قلعه   حیوان    نگؤر   دولت  مدار    ایران

گئدیب   اینسانیت  یئردن   عدالت   خانه   ویراندیر

ائدیب دوشمان نگؤر حمله وطن قالمیش گینه داردا

جنایت    اللری    قاندیر    رذالتله   نه    شیطاندیر

یاخین دورخلقینه قارداش زامان یوخدورحیات گرگین

بو  یول  آزادلیقا  دوغرو   وطن  عشقی  و  ایماندیر

هامی گلسین بوتون قیزلارو اوغلانلارجاوان یاشلی

گئنیش  آزادلیق  اوردوسو  کی یالنیز  رزم  میداندیر

بونو   بیلسین   خیانتکار   دغلکار   همده   ظالیملر

داها   وئرمز   ائلیم    فرصت   جنایتکارا     اعلاندیر

وطنسیز یوخ سنه یاردیم بونو چون  گوسترییر تاریخ

آزادلیق  خلقیمه   یالنیز   کی   عصیانلا   ایمکاندیر

بو  اؤلکه  بیرلیگه  دوغرو  ساوالاندان  آخار   طغیان

جوشار خلقیم کی توفان تک ظفرله عهد و پیماندیر

باهاری چون خزان اولدو  وطن او  سئوگیسین بکلر

آزادلیق دردینه مرهم  کی عشقی عشق جاناندیر

10.12.2012