رضا به ی سلحشور-ون قورتولوشون بیلدیریسی حاققیندا آچیقلاماسی

عزیز سوی داشیم داوود به ی رفراندم حاققیندا منه تلفون آچیب قورتولوشون نظرینی سوروشدو. من هئچ بیر شرط اورتایا قویمادان قورتولوش پارتییاسی طرفیندن اونای وئردیم. و بوگون قورتولوش پارتییاسی طرفیندن امضامیزی گئری چکیریک. بوردا کیمسه کیمسه نی آلداتمامیشدیر.

سایغی لارلا

رضا سلحشور قورتولوش پارتیاسینین آمریکا تمثیلچیسی

-------------------------------------------------------------------------------------------------------

داوو توران- ین قورتولوش پارتیاسینین بیلدیریسی ایله باغلی آچیقلاماسی

دسامبر اون دؤردونده گونئی آزربایجان قورتولوش پارتیاسی، بیر آچیقلاما یایینلایاراق، گونئی آزربایجان تشکیلاتلارینین ب.م.ت باش کاتیبی بان کی مون- ا "گونئی آزربایجان-ین  اؤز مقدراتینی تعیین ائتمه" مکتوبونداکی امضاسی ایله باغلی یانلیش آنلاشیلما اولدوغونو دیله گتیریب و منیم آدیما گئرچک دیشی خبرلره یئر وئریب، آدیمی داخلی تشکیلات مسئله لرینه آلت ائتمیشلردیر.

سؤز گئدن مکتوب (رفراندوم) ایلک اولاراق ماحمود به ی بیلگین طرفیندن دوققوز دسامبر-دا منه گوندریلیب دیر. داها سونرا گئنیشلدیلمیش حالی اوزرینده دیگر تشکیلاتلارلا بیرگه آنلاشیلیبدیر. من ده بو موضونو تلفون ایله رضا به ی سلحشور-ا (قورتولوش پارتیاسینین آمریکا داکی نماینده سی) بیلدیریب، بیلدیرینین عمومی شکیلده یازیلدیغی نی دیله گتیرمیشم.

رضا به ی ده قورتولوش-ون تام الختیار نوماینده سی اولاراق بیلدیرییه دستک وئردیکلرینی و آدلارینین یازیلماسینی اونایلاییبدیر. بونون دیشیندا هئچ بیر دیالوق بو موضودا یاشانمامیشدیر. قیرتولوش پارتیاسینین آچیقلاماسیندا من و رضا بئی آراسینداکی گئدن سؤزلر تمامن یالان و دوزمجه دیر. بو آچیق شکیلده سیاسی اخلاقسیزلیقدیر.

عینی شکیلده، قیرتولوش پارتیاسینین آچیقلاماسینین معلوم الهویه سایتدا "رفراندم-دا آلداتماجا" شکلینده یاییلماسی دا یایین اخلاقسیزلیغیدیر. سون گونلرده، معلوم الهویه سایت، ایران ایستخباراتی و بعضی بیلینجسیز سؤزده مستقل فعالارین آزربایجان میللی دیرنیش تشکیلاتی نی هدف گؤسدرمه سی ده دوشوندوروجودور.

بیرلیگه احتیاجیمیز اولدوغو گونلرده قورتولوش پارتیاسینین بو ائیلمی، نه یازیق کی آزربایجان دوشمنلرینی سئویندیرمیش دیر. بو اساسدا آزربایجان میللی دیرنیش تشکیلاتی اولاراق بوندان سونرا قوروتولوش ایله علاقه لریمیز گؤزدن کئچیریله جکدیر.

آ.م.د.ت سؤزجوسو

داوود توران

http://araznews.info/?act=content&id=1023&title=araznews:%20%D8%AF%D8%A7%D9%88%D9%88%D8%AF%20%D8%AA%D9%88%D8%B1%D8%A7%D9%86%20%D9%88%20%D8%B1%D8%B6%D8%A7%20%D8%A8%D8%A6%DB%8C%20%D8%B3%D9%84%D8%AD%D8%B4%D9%88%D8%B1-%D9%88%D9%86%20%D9%82%D9%88%D8%B1%D8%AA%D9%88%D9%84%D9%88%D8%B4%D9%88%D9%86%20%D8%A8%DB%8C%D9%84%D8%AF%DB%8C%D8%B1%DB%8C%D8%B3%DB%8C%20%D8%AD%D8%A7%D9%82%D9%82%DB%8C%D9%86%D8%AF%D8%A7%20%D8%A2%DA%86%DB%8C%D9%82%D9%84%D8%A7%D9%85%D8%A7%D9%84%D8%A7%D8%B1%DB%8C