گزارش نقض حقوق بشر
Zəlzələdən zərərçəkənlərin 5-i soyuqdan ölüb
چهارشنبه ۰۶ دی ۱۳۹۱ ساعت ۱۴:۴۵ | 
AZOH: Güney Azərbaycanın Qaradağ bölgəsində baş verən dağıdıcı zəlzələnin üstündən aylar keçsə də, bölgə əhalisi yaşamaq üçün yer tapa bilmir. Məlumata görə, bölgədə soyuqların yeni dalğası başladığı günlərdə Heris və Vərzigan şəhərlərində 5 nəfər soyuqdan donaraq ölüb. İran hökuməti isə bütün çətinliklərə baxmayaraq, zəlzələdən zərərçəkənləri ən yaxşı halda müvəqqəti sığınacaqlar və çadırlarda yerləşdirib.
Xatırladaq ki, avqustun 11-də episentri Əhər, Heris və Vərzigan şəhərləri olmaqla Şərqi Azərbaycan vilayətində 6,2 bal gücündə zəlzələ baş verib. Rəsmi rəqəmlərə əsasən, zəlzələ nəticəsində 155 min nəfər zərər çəkib. Onlardan 306 nəfəri ölüb, 3037 nəfəri xəsarət alıb. Zəlzələ 18500 evin dağılması və zədələnməsinə səbəb olub. Herisin Bacabac və Çobandar kəndləri tamamilə yerlə yeksan olub. Noyabrın 7-də 57 nəfərin xəsarət almasıyla nəticələnmiş 5,2 bal gücündə yenidən zəlzələ baş verib. Noyabrın 16-da isə 10 nəfərin xəsarət almasıyla nəticələnmiş 4,9 bal gücündə növbəti zəlzələ olub.
