AZOH: Güney Azərbaycan Milli Hərəkatının fəalı Siyamək Mirzayi 5 milyon rial (500 min tümən) cərimə cəzasına məhkum edilib. Qərar Muğan (Parsabad) şəhərinin məhkəməsi tərəfindən verilib. Azərbaycanlı fəal sistemin əleyhinə təbliğat aparmaqda günahlandırılıb. Siyamək Mirzayi ötən il Urmiya gölüylə bağlı keçirilmiş etiraz aksiyalarına görə həbs olunub və 4 gün saxlanıldıqdan sonra 30 milyon tümən mülk girovu qarşılığında azadlığa buraxılıb. Soydaşımız bundan əvvəl də milli-mədəni fəaliyyətlərinə görə dəfələrlə təzyiqlərə məruz qalıb və həbs olunub.