آذیورد سایتی بوتون آذربایجانلی قلمداش‌لاری امکداشلیغا چاغیریر
آذوح: آنادیلی دیلی گونوندن فعالیته باشلامیش آذیورد سایتی، مای آیی‌نین بیریندن رسمن قولوغونوزدا اولاجاق. ساتین باشلیجا مقصدی باشدا تفککور اولماقلا آذربایجان مدنییتی و اویغارلیغی‌نین گئنیش پورتالینا چئوریلمک‌دیر. سایتدا هله‌لیک داها چوخ عرب الیفباسی ایله یازیلمیش یازی‌لار وئربلسه، ده لاتین الیفباسی ایله گؤنده‌ریلمیش ماتئریال‌لارا، یا اولدوغو کیمی، یادا عرب الفباسینا کؤچورولدوکدن سونرا یئر وئریلیر. سایتین ایلکه‌لری:
ـ آذیورد سایتی داها چوخ مدنیت ساحه‌سینده چالیشیر، سویوندان، اینانجیندان و دونیا گؤروشوندن آسیلی اولمایاراق بوتون اینسان‌لارین ایفاده حاققینا سایغی بسله‌ییر.
ـ سایتدا باشقا اینسان‌لارین آزادلیغینا، اینانجینا توخونان و اخلاقی ده‌یرلره خل گتیرن یازی‌لارا یئر وئریلمیر.
ـ سایت کیم‌لیییمیزی، دیلیمیزی، و مدنیتیمیزی قوروماغا چالیشیر، آمما بو یولدا هر بیر زواکیلیغا و آشیری تمل‌چیلییه دعوتدن چکینیر.
ـ سایتین هر بیر یؤنه‌تیجیسی سایتدا یئرلشدیردییی آیری آیری یازی‌لارین مسئولیتینی داشیییر. و باشقا یؤنه‌تیجی‌لر همین ماتئریال‌لارین سایتدا یئر آلماسیندان دولایی سوروملو دئییل‌لر.
ـ باشقا دوشرگه‌لردن (ایستر سایت اولسون، اییستر سه ده وئبلاگ) آلیناراق آوتوماتیک صورتده سایتدا گؤستریلن ماتئریال‌لارین مسئولیتی آدی چکیلن دوشرگه صاحیب‌لرینه عایددیر.
آرتیریریق کی، جاری میلادی ایلین آنادیلی گونوندن ایشه باشلامیش آذر يورد سایتي، آز بیر موددت‌ده ایران دؤولتی‌نین فيلتئرينگ غضبينه اوغراییب. بونا گؤره داخیلده یاشایان سویداش‌لاریمیز آنتی فیلتئری اونوتمامالی‌دیرلار. یازی‌لارینیزی بیزه گؤنده‌رمک ایسته‌سه‌نیز سایتدا "یازی گونده‌ر” آیکونونا باسین.
سایغی ایله
