AZOH: İranın Şərqi Azərbaycan əyalətinin ostandarı Əlirza Beyginin Ermənistana səfər etməsi Təbrizdə etiraza səbəb olub.

Əlirza Beygi Ermənistana ötən ilin sonlarında səfər edib.

“Media forum” saytının məlumatına görə, Azərbaycan milli kimliyi uğrunda dinc mübarizə aparan bir sıra fəallar yanvarın 16-da Təbrizin ən böyük, üstüörtülü bazarının yaxınlığında körpünün üstündən iri plakat asıblar. Plakatda belə yazılıb: “Biz, Azərbaycanın türk milləti ostandar Əlirza Beyginin Ermənistana səfərini və İranın bu ölkəyə əvəzsiz yardımlarını kəskin pisləyirik”.

Plakat bir neçə saatlığa körpü üzərində qalıb. Sonradan hökumət adamları məsələdən xəbər tutaraq hadisə yerinə gəliblər, plakatı çıxarıb aparıblar.

VOA