آزربایجانین تاریخینده اؤزللیکجده کئچن یوز ایلده ن بری چوخلو آلچاق اوجالار گورونور. بو نلارین سونوندا هر نه اولورسادا آزربایجان میللتی اخلاقییاتینی قوروماقدا هر زامان اوغور قازانیب.

دئمک اخلاقیات، آزربایجاندا هر بیر شئیین اؤنونده اولوب و میللتیمیز هئچ زامان بو اخلاقیاتا توخونماق ایزنی وئرمه ییب .   بو مسأله آزربایجان میللتینین آتالاریندان قالان ان بؤیوک میراثی دیر.  او قده ر کی آزربایجان میللتی ایله یاناشان میللت لر آذربایجان لی لاری ان اخلاق لی بیر میللت تانیییب لار.

اما تأسوف لر اولسون بیرسیرا اینسانلارکی آزربایجان دا اخلاقیاتی او قدر اونمسمیردیلر ، آزربایجان توپراقین دان اوزاقلاشاندان سونرا بو اخلاقیاتا ذره جه حورمت له یاناشماییرلار . میللی حرکت آزربایجان میللتینین هر بیر حاققین مودافیعه ائتمک گوروینده اخلاقیاتی هر شی دن آرتیق اونمسمه لیدیر .خوصوصیله میللی حرکتین دیش قولو کی هم بوتون میللتیمیزین و هم میللی حرکاتین تمثیلچیسیدیر.

تاسوفلرله ببرسیرا اینسانلار کی اؤزلرین میللی حرکت مودافیعه چی سی کیمی گوستریرلر، چیرکین اخلاقسیزلیقلا آزربایجان میللی حرکاتینین بوتون لوگونه ضربه وورماق فیکرین ده دیلر. بو آماجدا

سون زامان لاردا بللی بیر اینسان  چیرکین تخریبات لا مهسا خانیم مهدیلی و اونون حایات یولداشی موسا بی برزینی هدف توتوپ .

بیز قوم تپه ده توتوقلانان فردلر وطنیمیزی سئورک و هر شی دن اؤنجه اونون اخلاقیاتینا اؤنم وره رک بئله اخلاق سسیزلیق لاری کسین لیک له قیناییب و اعلان ائدیریک:

1- مهسا خانیم مئهدیلینین قوم تپه اوتورومونا هئچ ایلگیسی اولماییب و بو اوتورومو قورماقیندا و توتوقلانماقلاردا موطلق رولو اولماییبدیر.

2- هر تیپ تخریبات و اخلاقسیزلیقی یارادان و اونلارا دسته ک وئره ن اینسانلاری میللی حرکته قارشی بیلیب و اونلاری جاوابسیز قویمایاجاییق.

ایضاح: قوم تپه اولاییندا توتوقلانان بعضی فیکیرداشلاریمیز بو حالدا جزا ائوینده دیلر.

1391 اینجی ایلین بهمن آیینین 13 اونجو گونو

جلیل علمدار میلانی – تقی سلحشور –  وحید شیخ بگلو  - محمد محمودی – یاسر سلمانی رضایی  – عبدالله صدوقی –     محمد علیمرادی – موسی برزین خلیفه لو – جمشیدزارعی – یوسف سلحشور – قادرنوروزی – علی ایمانی – مهدی مهاجر – محمد امیری – احمد علیزاده – یعقوب کریمی – یعقوب رمضانی – فرزاد مهدوی - علی سیرناک –    مصطفی عوض پور – مرتضی عوض پور  - اکبر پورحسن