AZOH: Ötən həftə Güney Azərbaycanın Urmiya şəhəri və ətraf bölgələrində mühacir kürdlərin daşınmaz əmlak almalarında xüsusu aktivlik qeydə alınıb. Bu barədə Batı Azərbaycanın Milli Müdafiə Komitəsi xəbər yayıb. Belə ki, Soyuqbulaq (farslaşdırılmış adı Mahabad), Xana (Piranşəhr), Bəykəndi (Bukan) və s. bölgələrdən gələn kürdlər planlı və sistemli şəkildə Urmiya şəhərinin özəl məntəqələrindəki binalardan mənzillər alırlar. Hətta onlar nəzərdə tutduqları məntəqələrdə bina evlərini ələ keçirmək məqsədilə bir neçə dəfə artıq pul verməyə belə hazırdılar. Kürdlərin bu əməli isə ciddi şübhə doğurub. Bu səbəbdən Urmiyada tikinti və alqı-satqı şirkətləri onların planlarını anlayıb və kürdlərə daşınmaz əmlak satmaqdan imtina etməyə başlayıblar. Qeyd edək ki, mühacir kürdlərin Urmiyanın özəl məntəqələrində bir neçə dəfə baha qiymətə daşınmaz əmlak almaları xüsusi narahatçılıq doğurur və bu əməlin arxasında məkrli planların olduğunu göstərir.

XC