AZOH: Rusiyada 250 türk işçi maaşlarını ala bilmədiklərinə görə aclıq aksiyasına başlayıb

FaktXeber.com-un verdiyi məlumata görə, Rusiyanın şərqində yerləşən Vladivostok bölgəsindəki inşaat şirkətində işləyən türkiyəli işçilər, maaşlarını ala bilmədikləri üçün aclıq aksiyasına başlayıblar. Türkiyə vətəndaşlarına iş verən "Regiontehstroy" şirkəti, ayda 4 min dollarlıq maaş vədini yerinə yetirməyərək işçilərə iki dəfə az maaş verəcəyini açıqlayıb. Onların maaşlarını azaldan şirkət, heç 2 min dolları da türklərə verməyərək, 300 dollarlıq bilet pulu ilə işçilərə ölkələrinə qayıtmağı təklif edib. İşçiləri Türkiyəyə qayıtmağa məcbur etmək üçün onlardan pasportları da alınıb.

Qeyd edək ki, hadisə ilə əlaqədar "Regiontehstroy" şirkətinin rəhbərliyi bildirib ki, "Krokus" adlı daş hörən firmanın ödəmələri vaxtında etmədiyi üçün maaşların verilməsində fasilə yaranıb.

OLAYLAR