گاموح-دا ایستعفالار داوام ائدیر
باشوجا گونئی آذربایجان تورک اولوسو،
ده یرلی سویداشلار،
بیلدیگینیز اوزره گاموح اؤرگوتو گونئی آذربایجان تورک اولوسونون ایچیندن یارانان کؤک اؤرگوتدور. گلدیگیمیز ایندیکی دوروم نیازیق، ۱۹۹۵`ده اولوسوموزون بیر چوخ آدسیز ایگیدلریمیزین، گاموح اؤرگوتونئ وئردیگی ده یرلر، اولوسال گؤروینی یئترلیجه یئرینه یئتیرممیشدیر.
بیز اینانیریک گاموح اؤرگوتون ایللرجه قاریشیلیقسیز وئردیگی امکلر چالیشمالار دوغرو دوزگون یؤنتیلسیدی، اوستهلیک اولوسال چیخارلاریمیزین یؤنونده دویغوساللیق یئرینه گئرچک سیاست پولئتیکاسی ایستر اؤرگوت ایچریسینده ایستر گونئی آذربایجانلی میللی سیاسی اؤرگوتلر پارتییالار آراسی ایسترسهده بؤلگه ایلیشکیلرینده یوروتسیدی، گونوموزدکی داغینیقلیق بؤلونمهلر بو سوییهده اولمازدی، دولایسییلا میللی حرکتین گوجو اساس ایرانین دیکداتور رئژیمینه قارشی، بیرلیکده توپلانابیلردی. دؤزهرک دوزلجیینی گؤرمک ایستسکده نیازیق ترسی اولموشدور، ایلرییه یؤنهلیک گوجلو چالیشمالار آپارماق چؤزوملر اورتمک یئرینه، دار بیر آلاندا ایچ چاتیشمالار دئدیقودولارا اوغراشماقلا گوج ایتیرمکدهدیر.
نه یازیق ۱۸ ایلدن چوخ اوغروندا باش قویدوغوموز سئوهرک امک وئردیگیمیز گاموح اؤرگوتوندن اوزولهرک آیریلماق زوروندا قالدیغیمیزی بیلدیریریک.
آرتیرمالییق بیزیم آیریلماغیمیز گونئی آذربایجان تورک اولوسونون ائرکینلیگی قورتولوشو میللی حرکتدن هابئله بو قوتسال یولدان چکیلمک آنلامی دئییلدیر.
گاموح اؤرگوتوندن آلدیغیمیز آییرلما ندنلرینی، گونئی آذربایجان تورک اولوسونا قارشی اولانلار سئوینمئسینلر دیه هلهلیک آچیقلانمایاجاق.
سون اولاراق گونئی آذربایجان میللی اویانیش حرکاتی گاموه`ون سایغی ده یر یئتکیلیلرینی باشدا گاموح باشقانی سایین دؤکتور چاغری چؤهرئقانلی بئی اولماقلا بوتون ده یرلی اویهلرینه بوندان سونراکی آددیملاریندا داها دوزئنلی چالیشمالار آپاراجاقلاری اومیدیله، گونئی آذربایجان تورک اولوسونون ائرکینلیگی قورتولوشو یولوندا باشاریلار اوغورلار دیلییریک.
سایغیلاریمیزلا:
ائلیار تبریزلی – گاموح کانادا تمسیلچیسی
لیلا مولا – گاموح اینسان حاقلاری کومیسیونو سوروملوسو
حسین تبریزلی – گاموح ایستوکهولم(ایسوئچ)
ارسلان کامرانی – گاموح اویهسی (فینلاندیا)
حاتم شاهسئون – گاموح اویهسی (ق.آذربایجان)
آیدین قاراخانلی – گاموح یق اویهسی، اونپو سوروملوسو، فینلاندییا تئمسیلچیسی، دؤکتور چؤهرئقانلینین سیاسی دانیشمانی