DAVUDOĞLU KLİNTONLA GÖRÜŞÜB
AZOH: Liviya Koordinasiya Qrupunun ikinci toplantısı bu gün Romada keçirilir.
Türkiyəni xarici işlər naziri Əhməd Davudoğlunun təmsil edəcəyi toplantının gündəliyindəki əsas məsələ BMT Təhlükəsizlik Şurasının Liviyaya dair qərarlarının tətbiqi vəziyyətidir. Bu çərçivədə xüsusilə NATO əməliyyatları üzərində durulacaq.
Toplantıda Türkiyənin baş naziri Rəcəb Tayyib Ərdoğanın Liviya prezidenti Müammər Qəddafiyə "get" çağırışı da müzakirə ediləcək.
Toplantı çərçivəsində Romada olan Türkiyənin xarici işlər naziri Əhməd Davudoğlu ABŞ dövlət katibi Hillari Klintonla bir araya gəlib. Görüşdə Liviyadakı son durum və Suriyadakı proseslərlə yanaşı, terrorçu Üsamə Bin Ladenin ölü ələ keçirilməsi və beynəlxalq terrorizmlə mübarizə məsələlərinin müzakirəsi də nəzərdə tutulur.
TRT