AZOH: Suriya iqtidarı etiraz aksiyalarının qarşısını almaq istiqamətindəki təşəbbüsləri  davam etdirir.

Bəşər Əsad rejimi sabahkı cümə namazından öncə ölkə ərazisində islahat tələb edənlərin müqavimətini həbslərlə qırmağa çalışır.

İddialara görə, Suriya polisi üsyanın mərkəzi Dera şəhərində bütün evlərə basqın edərək 40 yaşın altındakı bütün kişiləri həbs edib.

Daha sonra isə Suriya dövlət televiziyası əməliyyatın başa çatdığını və əsgərlərin mərhələli şəkildə şəhərdən çəkildiyini bildirib.

10 günə yaxındır mühasirədə olan şəhərdə komendant saatının tətbiq edildiyi, qadağalara əməl etməyənlərin vurulduğu bildirilirdi.

Suriyanın paytaxtı Dəməşqdə də vəziyyət gərgin olaraq qalır. Paytaxt yaxınlığındakı Sakbada bu sabah 300-dən çox insan həbs edilib.

Ancaq bütün bunlara baxmayaraq, müxalifət etirazları davam etdirməkdə qərarlıdır.

BMT-nin baş katibi Ban Ki Mun Bəşər Əsadı arayaraq onu güc tətbiqinə qon qoymağa çağırıb. Bu gün Romada keçirilən Liviya Koordinasiya Qrupunun toplantısında isə Suriyaya sanksiyaların tətbiqi məsələsi müzakirə ediləcək.

TRT