AZOH: «2012-ci ildə Urmiya gölünü xilas etmək üçün İrandakı mövcud hökumət bir rial belə pul xərcləməyib». Bunu Ərdəbil şəhərini İran parlamentində təmsil edən Kəmaləddin Pirmüəzzin bildirib. Onun sözlərinə görə, keçən il ölkədə ekologiyanı qorumaq üçün müəyyənləşən büdcə əlaqədar orqanlara çatdırılmayıb: «Məsələn, hökumət verdiyi vədlərə baxmayaraq Urmiya gölü üçün icra orqanlarına tək rial belə ödəməyib». Parlamentin Ekologiya Komitəsinin üzvü olan azərbaycanlı deputat deyib ki, 2011-ci ilin sentyabrında Urmiya və Təbriz kimi şəhərlərdə Urmiya gölüylə bağlı kütləvi etirazların baş verdiyi zaman İrandakı mövcud hökumət ekoloji fəlakətin qarşısının alınması üçün 900 milyon dollar vəsait ayrıldığını bildirmişdi. Qeyd edək ki, Kəmaləddin Pirmüəzzinin açıqlaması dövlətin kütləvi etirazlar zamanı verdiyi vədlərin heç bir zaman gerçək olmadığını, sadəcə aksiyaları yatırmaq istədiklərini sübut edir.

XC