AZOH: Yunanıstanın avro məkanından çıxması və milli pul vahidi olan drahmiyə geri dönməsi təklif edilib.

Almaniyada dərc olunan "Der Spiegel" dərgisinin xəbərinə görə, dünən Lüksemburqda Almaniya, Yunanıstan, İspaniya, Fransa və İtaliya maliyyə nazirlərinin gizli toplantısı keçirilib. Toplantıda Yunanıstanın maliyyə naziri Yorqo Papakonstantinu 17 üzvü olan avro məkanından çıxma məsələsini gündəliyə gətirib.

Avropa Birliyi rəsmiləri isə bu xəbəri təkzib edərək toplantıda yalnız Portuqaliya, Yunanıstan və İrlandiyanın maliyyə problemlərinin müzakirə olunduğunu bildiriblər.

Avro məkanına rəhbərlik edən Lüksemburqun baş naziri Jan Klod Yunker Yunanıstanın avro məkanından ayrılması fikrinin çox axmaq fikir olduğunu deyib və avro məkanının pozulması üçün heç bir səbəb olmadığını deyib.

Yunanıstanın toplantıda Avropa Birliyinə olan 110 milyard avro borcunun yenidən şəkilləndirilməsini, geri ödəmənin daha uzun müddətə yayılmasını istədiyi, büdcə kəsinin azaldılması üçün irəli sürülən şərtlərin yumşaldılmasını tələb etdiyi bildirilir.

TRT