آوروپانین سیاسی مرکزی بروکسئلده، اؤنملی مطبوعات کونفئرانس کئچیریلدی+ ویدئو+ فوتو*****
آذوح:19 آپریل بروسسئلین تانینمیش بیر هوتئلینده گونئی آذربایجان ،الهواز و بلوچلارین سیاسی تشکیلاتلاریندان ،بیرگه مطبوعاتی کونفئرانس کئچیرلدی.
ایران رئژیمینین عامللرینین گؤزوندن قیراخ ،یاریم گیزلی مطبوعات کونفئرانسی، ساعت 17دن 19دک داوام ائتدی.
نمایندهلر اؤنجه ایراندا اؤز میللتلرینین چتین و آجی میللی سیاسی دوروملاریندان قؤنوشدولار و سونرا ایرانین بوگونکو و یوخون سیاسی گلجیینله باغلی فیکیرلرین ایشتراکجیلارلا پایلاشدیلار.
بیر ساعت 30 دقیقه سوال ،جاواب اولوندو. کونفئرانسی الاهواز جیبههسی تاداروک گؤرموشدو و ایشتراکچیلارین چوخونلوغو اربلریدی.
گونئی آذربایجاندان گادپ نمایندهسی محمود بی بیلگین گونئی آذربایجان و ایراندا ،تورکلرین 40 فاییز اولدوغونو دایاناراق گونئی آذربایجان میللی حرکاتین آپاریجی بیر دورومدا اولماسین وورقولارکن اورمو گؤلو ،ائکونومی چتینلیکلر ،آزربایجانین ائقتیسادی پوتانسیئلی و نهایت تورک عرب بیرلیگینین ایستراتئژیک آپاریجی رول اویناماسیندان دانیشدی .
اؤنملی سورولاردان بیریسی خاتمی پرئزیدئنتلیگی زامان هازیلانان تره آساسی ایله دیگر میللتلری بیرگ10 مین لرجه آذربایجان تورکلرینین الهوازدا یئرلشدیریلمهسی و تورک عرب ایلیشگیلرین پؤزماق و عربلری آزلیق دوروما سالماقدان دانیشیلدی گادپ نمایندهسی آینی سورونو گونئی آذربایجاندا کوردلرین یئرلشدیریلمهسیله باغلی قیاسلاندیردی فارس شووینیزمی منفی آسیمیلاسیا، میللی آلچاغلاما ،ائکونومی سومورگچیلیگی ایله یاناشی ایراندا یاشییان قئیی فارس میللتلری قارشی قارشییا قویماغی اساس هدفلریندن اولموشدور بو اساسدا تورک و عربلر دیگر قئی فارس نمایندهلرله بیرگه ایستیراتیژیک ایشبیرلیگینده اولمالاری وورغولاندی.
بیر سیرا سورولار سلاحلی موجادیله حاقدا بلوچلار و عربلردن سورولدو محمود بی بیلگین گونئی آذربایجان میللی حرکاتی سئویل و مدنی یوللارلا اؤز حاقلارین طلب ائتمهسیندن دانیشدی.
کونفئرانسا عرب اؤلکهلریندنده قاتیلانلار اولموشدور
مئدیا مئنسوبلاریندان ال اربیه داها اکتی سوال جاوابدا ایشتراک ائدیردی.
بو کونفئرانس عربی اؤلکهلرده داها گئنیش یاییملانماسی بکلنیر.