گونئی آذربایجان دئموکرات پارتیاسینین یئنی گاموح’ون بئش مرکزی کومتهسی اویهسینه توپلام 45 ایل هپس وئریلمهسی حاقدا بیلدیریسی
بیلدیگیمیز اوزره 4 آیا یاخیندیر قانونسوز شکیلده ساخلانیلان یئنی گاموح’ون باشقانی سایین دؤکتور لتیف بی حسنلی، مرکزی کومیته عضولری اولان سایین یوروش بی مهرهلی بیلی ، موهئندیس محمود بی فزلی، سایین بئهبود بی قولیزاده، سایین موهندیس شهرام رادمئهر “05.05.2013” تاریخینده تبریز اینقیلاب محکمهسینین اوچونجو شعبهسی طرفیندن هر بیری اوچون 9 ایل مدتینده هپس جزاسی وریلمیشدیر.
2 ایلدن بریدیر ایچریده آچیق شکیلده ایراندا تورک میللتینین میللی و مدنی ایستکلری یؤنونده آددیم آتمقلاری ایراندا شووونیست فارس رئژیمینی او قئدئر قورخویا سالمیش کی اونلارین سربست قالمالارینی رئژیم اؤزونه جدی بیر تهلوکه گؤرهرک، میللی حرکتیمیزده بو گونه قدر راسلانمایان آغیر و حقوق دیشی جزالار وئرمهسینه مجبور بوراخمیشدیر.
قئید ائتملیگیک کی بو فاللاریمیز “ایران رئژیمینین علیهینه تبلیغات آپارماق و قانونسوز تشکیلات قورماقلا گوناهلاندیریلمیشلار.
گئچن هفته تبریز اینقیلاب محکمهسینین اوچونجو شعبهسینین حاکمی اولان پورباقئر “ منیم ترفیمدئن وئریلن حؤکملره اعتراض ائتمدیگینیز تقدیرده، هر بیرینیزی 5 گونلوگونه سربست بوراخاجاغام” دئمهسی دقت چکیجی اولماسی یعنی سیرا گولونچ بیر اولایدیر.
گئچن آیلاردا بو دیرلی فاللاریمیز حاقدا خاریجده گئدن تخریبات دالگاسی و ائلهجهده سون گونلرده هلهلیک 5 بؤلومدن عبارت اولان تخریب و آخلاقسیزجا یازیلارین بلیرسیز شخصلر طرفیندن گئنیش شکیلده ائمایل آدرئسلره گؤندریلمهسی( ایچریده و ائشیهده) و آردیندان وئریلن بو آغیر حؤکملرین تصادفن اولمادیغینیدا نظره آلاماق گرکیر.
عینی زاماندا اونوتماماق لازیم کی وئریلن بو آغیر و بنزرسیز هپس جزالاری یئنی گاموح’ اون یعنی سیرا، ایران رئژیمین میللی حرکته و اؤزللیکله ایچرده آچیق فالیتین بو رئژیمینین گوونلیک چیزگیلرینین دیشیندا بیر آددیم اولدوغونون و رئژیمین آچیق فالیتدن اؤلکه ایچینده یاراداجاغی ائتکیلردن نه قدر قورخدوغونو اثباتلایان بیر مئساژ اولاراق دیرلندیریلمکدهدیر.
بیز گادپ اولاراق بو فاللاریمیزلا بیرلیکته بوتون دیرلی میللی و مدنی فاللاریمیزا صاحب چیخاراق ایران رئژیمینین بو حقوقسوزلوغونو و اینسانلیق دیشی سیاستلرینی شدتله قینایاراق بو فاللاریمیزین ان قیسا زاماندا سربست بوراخیلماسینی طلب ائدیریک. عینی زاماندا بوتون سیاسی و اینسان حاقلاری چرچیوهسینده چالیشان تشکیلاتلار و ائلهجهده بوتون میللی فاللاریمیزین بو اوزوجو و تاریخی اولایی گؤز آردی ائتممهلرینی و بیرلیکته جدی تپکیلرینی اورتایا قویاراق بو میللی فاللاریمیزا دستک اولمالارینی دیلییریک.
گادپ مطبوعات سوروملوسو : هادی موسوی