AZOH: İran Suriya üçün ümumi həcmi 4 mlrd dollar olan iki kredit xətti ayırıb. Bu barədə Suriyanın Tishreen nəşrinə istinadən France Press agentliyi yayıb. Suriya Mərkəzi Bankının sədri Adib Mayalə iki kreditin ayrıldığını qeyd edib. Bir milyard dollarlıq birinci kredit xalq istehlakı mallarının idxalının maliyyələşdirilməsi üçün nəzərdə tutulub. Üç milyard dollarlıq ikinci kredit isə neft və neft məhsullarının alınması üçün nəzərdə tutulub. Həmçinin Tehranın Suriya hökumətinə sanksiyalardan və ölkə daxilindəki qarışıqlıqdan zərər çəkən iqtisadiyyata dəstək üçün əlavə üç milyardr dollar ayıracağı gözlənilir.

AZERTIMES.COM