AZOH: Liviyanın Misrata şəhərində Qəddafi qüvvələrinin mühasirəsini yarmağa çalışan müxaliflər yerli hava limanını ələ keçirdiklərini və Qəddafiyə bağlı qüvvələri şəhərin qərbinə doğru sıxışdırdıqlarını iddia ediblər.

Liviya hökuməti isə NATO hücumlarının mülki vətəndaşların ölümünə səbəb olduğunu bəyan edib.

Liviyanın bir çox yerində Qəddafiyə bağlı qüvvələrə qarşı həyata keçirilən NATO hücumları müxalifətin irəliləməsini asanlaşdırır.

İttifaqdan verilən son açıqlamada müxalifətə dəstək məqsədilə martın 31-dən bəri 2400-dən çox hava hücumunun həyata keçirildiyi bildirilib.

Tripolinin mərkəzinə bu sabah saatlarında ən azı 4 hava hücumu edən NATO-nun mülki şəxslərin də yaralanmasına səbəb olduğu qeyd edilib.

Liviya rəsmiləri bu hücumda öldüklərini iddia etdikləri iki nəfərin cəsədini media mənsublarına göstəriblər.

TRT