QUANTANAMO YENİDƏN GÜNDƏMDƏ
AZOH: Quantanamoda 15 yaşlı bir məhkumun sorğulandığına dair görüntülərin keçən həftələrdə internetdə yayılması ABŞ-ın Kubadakı mübahisəli həbsxaması ilə bağlı diskussiyaları yenidən gündəmə gətirib.
ABŞ prezidenti Barak Obamanın prezident seçildiyi təqdirdə bağlanacağını vəd etdiyi, amma hələ də qapadılmayan Quantanamo məhkumların ağır şərtlər altında saxlanması səbəbilə mübahisə mövzusudur.
ABŞ hökuməti tənqidləri azaltmaq məqsədilə məhkumlara ziyarətçi izni verməyə hazırlaşır.
Beynəlxalq Qızıl Xaç Komitəsinin Quantamanodakə məhbusların vəziyyəti ilə bağlı ABŞ rəsmiləri ilə müzakirələrə başladığı bildirilir. Müzakirələr müsbət nəticələnərsə, ailələrinin məhkumları ziyarət etməsinə izin veriləcək. Ancaq ziyarət qərarı çox təhlükəli məhkumlara aid edilməyəcək.
Qeyd edək ki, Quantanamoda 172 məhbus saxlanılır. Onlardan ən azı 48-nin heç bir halda azadlığa buraxılmayacağı bildirilir.
TRT