YUNANISTANDA GƏRGİNLİK
AZOH: İqtisadi böhranın davam etdiyi Yunanıstanda vəziyyət yenidən gərginləşib.
Dövlət və özəl sektor işçiləri hökumətin islahatlarına və iş şəraitinə etiraz məqsədilə 24 saatlıq tətilə başlayıb.
İşçilər dünən paytaxt Afinada iki ayrı etiraz aksiyası keçiriblər.
Yunanıstan parlamentinin yerləşdiyi meydanda polislə nümayişçilər arasında yaşanan gərginlik toqquşmaya çevrilib.
Olaylarda ikisi ağır olmaqla 12 nəfər yaralanıb.
Üzü maskalı şəxslər şəhər mərkəzi və ara küçələrdəki avtomobillərə zərər verib, zibil konteynerlərini yandırıblar.
20 minə yaxın insanın iştirak etdiyi nümayişlərdə 24 nəfər həbs edilib.
TRT