گونئی آذربایجان دئموکرات پارتیاسی(گادپ) یئنی گاموح لیدئرلرینین آجلیق آکسیاسینی شرطلی اولاراق دایاندیریلمالاری ایله باغلی بیاناتی
دیرلی یئنی گاموح باشقانی و مرکزی کومیته عضولری:
گونئی آذربایجان میللی دئموکراتیک هئراکاتینین ان بحرانی و چتین بیر دؤنمینده بو گونه قدر آپاردیغینیز موباریزهده بؤیوک و دانیلماز رولونوز اولموشدور. باشلاتدیغینیز بو آجلیق آکسیاسی ایسه حرکاتیمیزین دوغرو و حاقلی اولدوغونو تکرار دونیایا اثبات ائتمیش اولدو و آجلیغا دئوام ائتدیگینیز هر گون، بیزلر اوچون چوخ اوزوجو اولسادا عینی زاماندا قورور وئریجیدی.
آما گونئی آذربایجان میللی حرکاتی سیزلره ساغ-سالیم اولاراق چوخ احتیاجی واردیر و ساغلیغینیز بیزلره چوخ اؤنملیدیر. شوپههسیز کی سیزلرین بو قتیتینیزه و گوجلو ایرادهنیزه داها اؤنجهلر اولدوغو کیمی ایندیده امینیک.
بیزه گؤره سیزلرین بو حاقلی اعتراضینیز و ائلهجهده آکسیانیز بو گونه قدر گؤرونمهین بؤیوک باشاریلارین قازانیلماسینا سبب اولموشدور و سیزلرین بو آکسیاسی سایهسینده گونئی آذربایجان تورک میللتینین سسی اولوسلاراراسی مطبوعاتدا، گون کئچدیکجه یوکسئلمیشدیر. آوروپا اؤلکهلرینده، آذربایجان ، تورکییه و ایراندا چئشیدلی اینسان حاقلاری درنکلری، پارتیالارلا گؤروشلر کئچیرهرک و اونلارین دستیینیده قازاناراق دقتلرینی ایراندا یاشایان تورکلره قارشی اویقولانان حاقسیزلیقلار و آیری سئچکیلیره چکمیش اولدونوز. گونئی آذربایجان موجادیلهسینده یئر آلان بوتون تشکیلاتلار و ائلهجهده دویارلی میللتیمیز اولدوقلاری اؤلکهلرهده، شهرلرده بیر چوخ فالیتلرده یئر آلاراق، مینلرجه ایمضا توپلایاراق، بیر چوخ اؤلکهده میتینگلر گئچیرهرک سیزلره دستک وئرهرک میللتیمیزین میللی حاقلارینا و ائلهجهده سیز قهرامنلاریمیزا نه قدر دیر وئردیکلرینین بیر اثباتینین یعنی سیرا میللی حرکتده بیرلیگی و اینانجیدا گوجلندیرمیشدیر.
عزیز و فداکار لیدرلریمیز سیزلرین باشلاتمیش اولدوغونوز آجلیق آکسیاسینی شئرتلی اولاراق اولسادا، دایاندیرمانیز بیزلری چوخ چوخ سئویندیرمیشدیر و بوندان اؤنجه اولدوغو کیمی گئنهده سیزلری بو حاقلی موباریزهمیزده تکرار میدانلاردا گؤرمک بیزیم اوچون اولدوقجا اؤنملی و اومید وئریجی بیر اولایدیر.
گادپ اولاراق سیز دیرلی لیدئرلریمیزه وئریلن بو آغیر حؤکملر و اویگولانان بو هاقسیزلیغا ایلک گوندن بری اعتراضلاریمیزی چئشیدلی یوللارلا بیلدیردیک و الیمیزدن گلدیگی قدر سیزلرین سسینیزی دویورماغا چالیشتیغیمیز کیمی بوندان سونرادا آتاجاغینیز هر آددیمدا سون گوجوموزله سیزلرین یانینزدا اولاجاییق.
سیزلرله قورور دویوروق، یاشاسین میللی قهرمانلاریمیز.
ظفرینیز قوتلو اولسون!
(گادپ) مطبوعات سوروملوسو: هادی موسوی
09.08.2013