امیر مردانی آمئریکا سسی ایله موصاحیبه سی: مئدیامیز گوجلو دئییل
علیرضا قولونجو
24.08.2013
گونئیلی فال، سابیق سیاسی مهبوس و گونئی آذربایجان اؤیرنجی حرکاتی (آزوه) وئب صحیفهسینین رئداکتورو امیر مردانی آمئریکانین سسینه موصاحیبهده ایران آذربایجانی ایله باغلی خبر یایماغین چتینلیکلری، خبر ساحهسینده فعالیت گؤسترن میللی فاللارین اوزلشدیگی باسقیلار و حاضردا آذربایجان وئب صحیفهلرینین خبر یاییمی ساریدان چاتیشمازلیقلاری حاقدا دانیشیب.
امیر مردانینین سؤزلرینه گؤره، گونئی آذربایجاندا باش وئرن حادثهلرله باغلی خبر یایان بیر چوخ میللی فال فعالیتلری اوزوندن تعقیب، هبس و دیگر تضییقلره معروض قالیرلار. او، بو خوسوسدا اؤزو و آزوه آدینا فعالیت گؤسترن دیگر دوستلارینین باشینا گلنلره ایشاره ائدیب.
جناب مردانی دئییر کی، ایران کیمی توتالیتار جمعیتلرده مئدیا ساحهسینده چالیشان مدنی فاللار جدی باسقیلارلا اوزلشیر. “2006-جی ایلین مای آییندا باش وئرن کوتلوی اعتراضلاردا سولدوز، اورمییه، تبریز و خیاو شهرلرینده بیر چوخ میللی فاللیمیز شهید اولدو. آنجاق بیزیم گوجلو مئدیامیز اولمادیغی اوچون او خبرلری دوزگون شکیلده یایا بیلمدیک. ایرانلی قروپلارین مئدیاسی بیزیم خبرلری یایماق یئرینه بویکوت ائتمهیه چالیشدی و بونو قیسمن باجاردی.”
2006-جی ایلین مای آییندا باش وئرن کوتلوی اعتراضلاردا سولدوز، اورمییه، تبریز و خیاو شهرلرینده بیر چوخ میللی فاللیمیز شهید اولدو. آنجاق بیزیم گوجلو مئدیامیز اولمادیغی اوچون او خبرلری دوزگون شکیلده یایا بیلمدیک.
حاضردا ایسوئچده یاشایان فال همچینین آذربایجان وئب صحیفهلری ایله باغلی بعضی چاتیشمازلیقلار حاقیندا فیکیر بیان ائدیب: “گونئی آذربایجاندا مئدیا و خبر یایما فعالیتی هم حرکاتین اؤمرو هم ده بو ساحهده فعالیت گؤسترنلرین یاش و تجروبهسی باخیمیندان چوخ گنجدیر.”
جناب مردانینین فیکرینجه، ایراندا آذربایجان تورکلری، خصوصیلر اونلارین سیاسی مهبوسلاری ایله باغلی خبرلری یایماقدا دقیقلیک و دوغرولوق سرعت مسئلهسیندن داها اؤنملیدیر.
http://www.amerikaninsesi.org/content/article/1735556.html
