آذوح: آرتیق ایکی ایلدیر کی گونئی آذربایجان میلی حرکتی اورمو گؤلونون قوروما تهلوکه سین گؤزوندن قاچیرمیر. بئله کی 13 فرودین اعتراضی ییغینجاقلارینین یانیندا هرگون اینترنتده گونئی آذربایجان خبر لرین یایماغا چالیشان سیته لر بو مسئله ایله ایلگیلی خبرلر یاییر.

اورمو گؤلونون قورما سی گونئی آذربایجانی ایقتیصادیٰ، ایجتماعی، اکولوژیک و بهداشتی آچیلاردان اولوسوز یؤنده ائتگیله یه جک تام بونا گؤره گونئی آدربایجان میلی حرکتی گونئی آذربایجانین حقوق نون تک قورویوجوسو کیمی اؤز وظیفه سین یئرینه گتیره رک توم الینده اولان ایمکانلارادان فایدا لاناراق گونئی آذربلایجان میلتینه بو فلاکتی یاشادماماق اوچون چالیشیر. و بیریاندان سا دونیا سویه سینده اوزرینده حساسیتین چوخ اولدوغ اکولوِژیک سورنلار لا ایلگیله نمک له بوتون دونیا یا نه قدر گونجل اولدوغونو گؤستریر و بو واسیطه ایله داها دا چوخ گوندمه چیخماسی ساغلانیر.

بونلاری کئچدیگیمیزده بیز اورمو گؤلونون قورما تهلوکه سی ایله اوزلشمه سینین تک عامیلی ایران راسیستی رئزیمین گؤروروک. بو رئژیم  هر زامان تناقض دولو داورانیشی ایله هامینی شاشیردیر. بیر یاندان خلیج فارسی دوغرو  آدی(خلیج عربی) ایله دئینلری قیناییر اوبیر یاندان خزر دنیزین دریای مازندران دئیه آدلاندیریر و بونادا یئتینمه ییب گونئی آذربایجاندا دنیز دئیله بیله جک گؤلو قورودور اوسته لیک گونئی آذربایجاندا خیاوانین آدین خلیج فارس قویور. بیز بو خیاوانین آدین دئیشمک له خلیج فارس بیزم مسئله میز اولمادیغینی گؤسترمک له یاناکی بو میلتین ان اؤنده گئدن سورونو اورمو گؤلو سورنون اولدوغون دئمک ایسته دیک.

بیز مرندین گونئی آذربایجان گنج فعالاری اولاراق بوردان گونئی آذربایجانین توپراقلارینا گؤزتیکن هامیا دئمک ایسته ییریکی باخمیارق کی چوخلار ایله مقایسه ده چوخ گوجسوزوک آما بؤیوک تاریخیمیزه دایاناراق جانیمز و قانیمیز لا آزادلیق گونو نه دک ساواشیب و سونرا بو توپراغین بیر اووجون بئله دوشمنه له ره قاپدرمایجاییق.

گونی آذربایجان میلی حرکتی-مرند

آذوح