باکیدا مای حادثهلری ایله علاقهدار اعتراض میتینقی کئچیریلدی
آذوح: بو گون مای آیینین 22 (خورداد 1) باکینین تارقووا کوچهسینده گونئی آذربایجان مای قییاملارینین 5-جی ایلدؤنومو ایله علاقهدار اعتراض میتینقی کئچیریلدی. تبریزپوست-اون باکی موخبرینین وئردیگی معلوماتا گؤره باکی واقتی ایله ساعت 14-ده چوخ ساییدا گنج تارقووا کوچهسینه توپلاناراق، ایران شووینیست رئژیمینین علیهینه شوارلار سسلهدیلر.
اللرینده گونئی آذربایجان هابئله قوزئی آذربایجان بایراقلارینی دالغالاندیران ائترازچیلار گونئی آذربایجانا آزادلیق و میللی مهبوسلارین بوراخیلماسینی ایستهدیلر. یاریم ساعات سورن بو مؤهتشم میتینق، پولیسین سرت موداخیلهسی ایله داغیلدی و 7 سویداشیمیز توتوقلاندی. توتوقلانانلاردان؛ بوتؤو آذربایجان گنجلر تشکیلاتینین سدری، روسلان عزتلی، آیاز، ائلوین، سلیم، ایمان، ایلکین، صابیر و هابئله گونئیلی فعال آغری قاراداغلیدیر.
تبریزپست