AZOH: Bütöv Azərbaycan Gənclər Təşkilatının fəallarə Fəvarələr meydanında 22 may 2006-cı il olaylarının ildönümülə əlaqədar aksiya keçirdi. Aksiya Nizami muzeyinin yanından başladı. BAGT-cilər Güney Azərbaycanın bayrağı üzərində “ Güney Azərbaycana azadlıq” şüarıla meydanda yürüş etdilər..

Aksiyada iştirak edən BAGT sədri Ruslan İzzətli mətbuat nümayəndələrinə bildirdi: “ Bizim bu aksiyamız Güneydəki milyonlarla soydaşlarımıza mənəvi dəstəkdir. Bildiyiniz kimi 22 may 2006-cı ildə İran adlanan məkanda rəsmi dövlət qəzetində soydaşlarımız təhqir olunub. Bu hadisədən 5 il keçir, buna baxmayaraq hər il Güney Azərbaycanda soydaşalrımız fars-molla rejiminə qarşı aksiyalar təşkil edirlər. Biz də fars-molla rejiminin bu diktatur siyasətinə etiraz edirik və soydaşlarımızın haqqının tanınmasını istəyirik. 35 milyondan cox bir millət zindanda yaşaya bilməz...”

Tədbirdə GAMOH-un Bakı nümayəndəliyinin rəhbəri Ağrı Qaradağlıda iştirak edirdi.

Aksiya polis nümayəndələri tərəfindən dağıdıldı. Ruslan İzzətli, Ağrı Qaradağlı və bir cox BAGT fəalları saxlanıldı. ...İzahat alınandan sonra saxlanılanlar azadlığa buraxıldı..

BAGT-nin mətbuat xidməti...