آذوح: بو گون 22.05.2011 تاریخینده ایسوئچ-ین ایستوکهولم شهرینده آذربایجان فئدئراسیونو ایسوئچ-آفی نین 12.جی قورولتایی بوتون آفی نین ایسوئچده اولان درنک‌لری‌نین ایشتیراکی ایله کئچیریلمیش‌دیر. 12.جی آفی قورولتاییندا یئنی ایداره هیتی 7 نفردن عبارت سئچیلدی و آفی باشقان‌لیغی داها بیر ایل مدتینه ستار بی سئویگین-ه دئور ائدیلدی.

مالمؤ ، گؤتئبورگ ، لوند و اومئو شهرلرین‌دن گلن درنک اویه‌لری بو قورولتایا قوشولا‌راق اؤز دئموکراتیک سس حاق‌لارین‌دان ایستیفاده ائتمیش و آفی-نین یئنی یؤنتیم قورولو (ایداره هئیتینی)  سئچمیش‌دیرلر.

یؤنتیم قورولونا ( ایداره هئیتی) سئچیلن شخص‌لر ایسه  باشقان یاردیمجی‌سی، کاتیب‌لیک، کولتور و تبلیقات ، اینتئقراسیون، خالقلا ایلیشگی‌لر و مالیه بؤلوم‌لری‌نین سوروم‌لولوغونو اوزرلرینه آلمیش‌دیرلار.

آفی-نین یئنی یؤنتیم قورولو کئچمیش‌دکی مسئول‌لاردان تشککور ائدیب و گله‌جکده وطنیمیز و میللتیمیز اوچون داها یارارلی آددیم‌لار آتماغا سؤز وئریر.

بو گونون قورولتایینین دئتای‌لی راپورتو تئزلیکله سیز عزیز مئدیا منسوب‌لارینا چات‌دیریلاجا‌دیر.

آذربایجان فئدئراسیونو ایسوئچ-آفی

مئدیا و علاقلندیرمه بوروسو

ایستوکهولم-ایسوئچ   22.05.2011

22.05.2011